ސްޓެލްކޯއިން ހުޅުމާލޭގައި 70 މެގަވޮޓުގެ އައު އިންޖީނުގެއެއް ބިނާކުރުމަށް ތައްޔާރުވެއްޖެ
އެ ކުންފުނީގެ މެނޭޖިންގ ޑިރެކްޓަރު ޑރ. ޢަލީ އަޒުވަރު ޕީއެސްއެމް ނިއުސްއަށް ވިދާޅުވީ ބޯހިޔާވަހިކަމުގެ ބޮޑެތި މަޝްރޫޢުތަކާ ގުޅިގެން ހުޅުމާލެއާއި މާލެ ސަރަޙައްދުގެ އާބާދީ ހަލުވިކަމާ އެކު އިތުރުވަމުންދާ ކަމަށާއި ކަރަންޓުގެ ނިޒާމަށް މިހާރުން މިހާރަށް ވެސް މުހިންމު ބަދަލުތަކެއް ގެންނަންޖެހޭ ކަމަށެވެ. މި މަޝްރޫޢު ނިމުމުން ހުޅުމާލޭގެ ޖުމުލަ ކަރަންޓު ކެޕޭސިޓީ 120 މެގަވޮޓަށް އެރުމުގެ އިތުރުން ދެވަނަ ފިޔަވަހީގައި 20 މެގަވޮޓުގެ ވަގުތީ އިންޖީނުގެއެއް ތަރައްޤީ ކުރުމުގެ މަސައްކަތް ވެސް ހިނގަމުންދާ ކަމަށް ޑރ. އަޒުވަރު ވިދާޅުވިއެވެ.
މާލެ ސަރަޙައްދުގެ ކަރަންޓު ވިއުގަ ހަރުދަނާކުރުމުގެ ގޮތުން ހުޅުމާލޭ ދެވަނަ ފިޔަވަހީގައި 70 މެގަވޮޓުގެ މީޑިއަމް ސްޕީޑް ޕަވަރ ހައުސްއެއް ޤާއިމުކުރުމުގެ ޢަމަލީ މަސައްކަތް މިއަހަރު ފެށުމަށް ސްޓެލްކޯއިން ތައްޔާރީތައް ވާން ފަށައިފިއެވެ.
އެ ކުންފުނީގެ މެނޭޖިންގ ޑިރެކްޓަރު ޑރ. ޢަލީ އަޒުވަރު ޕީއެސްއެމް ނިއުސްއަށް ވިދާޅުވީ ބޯހިޔާވަހިކަމުގެ ބޮޑެތި މަޝްރޫޢުތަކާ ގުޅިގެން ހުޅުމާލެއާއި މާލެ ސަރަޙައްދުގެ އާބާދީ ހަލުވިކަމާ އެކު އިތުރުވަމުންދާ ކަމަށާއި ކަރަންޓުގެ ނިޒާމަށް މިހާރުން މިހާރަށް ވެސް މުހިންމު ބަދަލުތަކެއް ގެންނަންޖެހޭ ކަމަށެވެ. މި މަޝްރޫޢު ނިމުމުން ހުޅުމާލޭގެ ޖުމުލަ ކަރަންޓު ކެޕޭސިޓީ 120 މެގަވޮޓަށް އެރުމުގެ އިތުރުން ދެވަނަ ފިޔަވަހީގައި 20 މެގަވޮޓުގެ ވަގުތީ އިންޖީނުގެއެއް ތަރައްޤީ ކުރުމުގެ މަސައްކަތް ވެސް ހިނގަމުންދާ ކަމަށް ޑރ. އަޒުވަރު ވިދާޅުވިއެވެ.
މީގެ ކުރިން މާލެ ސަރަޙައްދުގެ ކަރަންޓު ޑިމާންޑަށް ޖަވާބުދާރީވެފައި ވަނީ ހައި ސްޕީޑް ޖެންސެޓުތައް ބޭނުންކޮށްގެން ކަމަށާއި ނަމަވެސް އެ ނިޒާމު ދިގު މުއްދަތަށް ދެމެހެއްޓެނިވި ނޫން ކަމަށް ޑރ. އަޒުވަރު ފާހަގަކުރެއްވިއެވެ. އެގޮތުން އެ މައްސަލައިގެ ތަފްސީލް ހާމަކުރައްވަމުން ޑރ. އަޒުވަރު ވިދާޅުވީ "އަސްލު މިގޮތަށް ކަންތައްތައް ކުރަންޖެހޭ އެއް ސަބަބަކީ ބޮޑު ޕްރޮޖެކްޓެއް ދާދިފަހަކާއި ހަމައަށް މާލެ ސަރަަހައްދުގައި ކުރިއަށް ގެންދެވިފައި ނެތުން. ފިފްތު ޕަވާރގެ ނަމުގައި ހުޅުމާލޭގައި ޤާއިމްކުރި 50 މެގަވޮޓުގެ ޕަވާހައުސްގެ ފަހުން އަޅުގަނޑުމެންނަށް ދެން މާލެ ސަރަހައްދުގެ ޕީކަށް އެޑްރެސް ކުރެވެމުން މިއަންނަނީ ހައިސްޕީޑް ޖެންސެޓުތަކެއް ބަހައްޓައިގެން. ހުޅުމާލޭގައި ބޭނުންކުރަމުން ދިޔަ އޯލްޑް ޕަވާހައުސްއާ ޖެހިގެން ދިޔަ ސަރަހައްދުގައި. އެކަމަކު މިއީ ދެމެހެއްޓެނިވި ގޮތެއްގައި މިކަން ކުރެވެން އޮތްގޮތެއް ނޫން." ކަމަށެވެ.
ޑރ. އަޒުވަރު ވިދާޅުވި ގޮތުގައި ހައި ސްޕީޑް ޖެންސެޓުތަކުގެ ބަދަލުގައި އަލަށް ޤާއިމުކުރާ މީޑިއަމް ސްޕީޑް ނިޒާމަކީ ތެޔޮ ޚަރަދާއި މަރާމާތުގެ ބުރަ ކުޑަ ދިގު މުއްދަތަށް ބޮޑު ކެޕޭސިޓީއެއް ފޯރުކޮށްދެވޭ ޒަމާނީ ނިޒާމެކެވެ. ޚާއްޞަކޮށް ހޫނު ދުވަސްވަރުގެ ޕީކް ސީޒަންތަކުގައި ކަރަންޓު ބޭނުންކުރާ މިންވަރު އެންމެ މައްޗަށް ދާ ދަނޑިވަޅުތަކުގައި ނިޒާމަށް ބާރު ބޮޑުވިޔަ ނުދީ ހިފެހެއްޓުމުގެ ޤާބިލުކަން މި ޕަވަރ ހައުސްއަށް ލިބިފައިވާ ކަމަށް ވެސް އެ ކުންފުނިން ބުނެފައިވެއެވެ.
70 މެގަވޮޓުގެ މި މަޝްރޫޢުގެ އިތުރުން ކުރިއަށް އޮތް ތަނުގައި ގްރިޑް ޒަމާނީ ކުރުމާއި ކޭބަލް ނެޓްވޯކް ވަރުގަދަ ކުރުމާއި ސަބްސްޓޭޝަންތަކުގެ ކެޕޭސިޓީ މަތިކުރުމުގެ އިތުރު މަޝްރޫޢުތައް ވެސް ސްޓެލްކޯއިން ރާވައި ކުރިއަށް ގެންދިއުމަށް ނިންމާފައިވެއެވެ.
ލިޔުންތެރިޔާ
އަހުމަދު އާހިލް ސައީދު
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
