އެމެރިކާގެ މެރިން ކޯޕްސްގެ ދެ އޮސްޕްރޭ ވީއައިއޭއަށް ޖައްސައިފި
އެމެރިކާ އަސްކަރިއްޔާގެ މެރިން ކޯޕްސްއަށް ނިސްބަތްވާ ބެލް-ބޯއިންގް އެމް.ވީ-22ބީ އޮސްޕްރޭ މަރުކާގެ ދެ މަތިންދާބޯޓެއް މިއަދު ވެލާނާ އިންޓަނޭޝަނަލް އެއާޕޯޓް (ވީއައިއޭ) އަށް ޖައްސައިފިއެވެ.
އެމެރިކާ އަސްކަރިއްޔާގެ މެރިން ކޯޕްސްއަށް ނިސްބަތްވާ ބެލް-ބޯއިންގް އެމް.ވީ-22ބީ އޮސްޕްރޭ މަރުކާގެ ދެ މަތިންދާބޯޓެއް މިއަދު ވެލާނާ އިންޓަނޭޝަނަލް އެއާޕޯޓް (ވީއައިއޭ) އަށް ޖައްސައިފިއެވެ.
އެ ބޯޓުތަކަކީ ހެލިކޮޕްޓަރެއްގެ ސިފަ އެކުލެވިގެންވާ ޓިލްޓްރޯޓަރ ވައްތަރުގެ ބޯޓެކެވެ. މެރިން ކޯޕްސްއިން މި ބާވަތުގެ ބޯޓު މައިގަނޑު ގޮތެއްގައި ބޭނުންކުރަނީ ހަމަލާތަކަށް އެހީތެރިވުމަށާއި، ސިފައިން އުފުލުމަށާއި، ހަނގުރާމައިގެ ލޮޖިސްޓިކްސް ބެލެހެއްޓުމަށެވެ. ވައިގެ ދަތުރުފަތުރާ ގުޅޭ ޚަބަރު ގެނެސްދޭ "އޭވިއޭޓާސް މޯލްޑިވްސް" އެކައުންޓުން ވަނީ އެ ބޯޓުތައް ވީއައިއޭގައި ޓެކްސީ ކުރަމުންދާ މަންޒަރު ފެންނަ ވީޑިއޯއެއް އެކްސްގައި ހިއްސާކޮށްފައެވެ.
ވީއައިއޭއަކީ އެކި ޤައުމުތަކުގެ އަސްކަރީ ބޯޓުތައް އެއް ޤައުމުން އަނެއް ޤައުމަށް ދަތުރުކުރާ މަގުމަތީ ތެޔޮ އެޅުމަށް އިޚުތިޔާރުކުރާ އެއާޕޯޓެކެވެ. ރާއްޖެ އޮންނަ ސަރަޙައްދުގެ ގޮތުން މުދާ އުފުލާ އެހެނިހެން ބޯޓުތައް ވެސް ޢާންމުކޮށް ރާއްޖެ އާދެއެވެ.
އެމެރިކާއިން އީރާނާ ދެކޮޅަށް މިހާރު ހަނގުރާމަ ކުރަމުންދާއިރު، ހަނގުރާމަ ފެށުނު ފަހުން ކުރިން ވެސް އެމެރިކާ އަސްކަރިއްޔާގެ ބޯޓެއް ރާއްޖެ އައިސްފައިވެއެވެ. ސަރުކާރުން ވަނީ އެއްވެސް ހަނގުރާމައަކުން ނިމިގެން ނުވަތަ ހަނގުރާމައަކަށް ދިއުމަށް ދަތުރުކުރާ ބޯޓަކަށް އެހީތެރިކަން ފޯރުކޮށްދީފައި ނުވާނެ ކަމަށާއި، ކުރިއަށް އޮތް ތާނގައި ވެސް އެފަދަ އެހީތެރިކަމެއް ނުދޭނެ ކަމުގެ ޔަޤީންކަން ދީފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް