ޝާހިދުގެ ބަންދުގެ އިސްތިއުނާފު އަޑުއެހުން ތާވަލުކޮށްފައި ކެންސަލްކޮށްފި
ކުޑަކުދިންނާ ގުޅޭ ޖިންސީ ގޯނާގެ ތުހުމަތުގައި ހައްޔަރުކޮށްފައިވާ ޢަބްދުﷲ ޝާހިދުގެ ބަންދާ މެދު ހައި ކޯޓަށް ހުށަހެޅި އިސްތިއުނާފު މައްސަލައިގެ ފުރަތަމަ އަޑުއެހުން މިއަދު މެންދުރުފަހަށް ތާވަލުކުރުމަށް ފަހު ކެންސަލްކޮށްފިއެވެ.
ކުޑަކުދިންނާ ގުޅޭ ޖިންސީ ގޯނާގެ ތުހުމަތުގައި ހައްޔަރުކޮށްފައިވާ ޢަބްދުﷲ ޝާހިދުގެ ބަންދާ މެދު ހައި ކޯޓަށް ހުށަހެޅި އިސްތިއުނާފު މައްސަލައިގެ ފުރަތަމަ އަޑުއެހުން މިއަދު މެންދުރުފަހަށް ތާވަލުކުރުމަށް ފަހު ކެންސަލްކޮށްފިއެވެ.
ޝާހިދު ހައްޔަރުކޮށްފައި ވަނީ މި މަހު ކުރީކޮޅު ކޯޓު އަމުރެއްގެ ދަށުންނެވެ. އެ ފަހުން ބަންދަށް 30 ދުވަހުގެ މުއްދަތެއް ޖަހާފައިވާ އިރު، އެ ނިންމުން އިސްތިއުނާފުކުރިތާ ގާތްގަނޑަކަށް ހަފުތާއެއް ފަހުން އަޑުއެހުން ތާވަލުކުރި ނަމަވެސް ކެންސަލްކުރި ސަބަބެއް ހައި ކޯޓުން ހާމަކޮށްފައެއް ނުވެއެވެ. ކުޑަކުދިންނާ ގުޅޭ ޖިންސީ ގޯނާގެ މައްސަލަތައް ޢާންމު ގޮތެއްގައި ކުރިއަށް ގެންދަނީ ސިއްރުކޮށެވެ.
ހައި ކޯޓުގެ ތާވަލުން އެނގޭ ގޮތުގައި މައްސަލައިގެ ބެންޗުގައި ތިއްބެވީ އިސްފަނޑިޔާރު ޢަބްދުﷲ ޖަމީލް މޫސާ އާއި ފަނޑިޔާރު އިސްމާޢީލް ޝަފީޢު އާއި ފަނޑިޔާރު ފާޠިމަތު ފަރުހީޒާއެވެ. ޖަމީލް އާއި ޝަފީޢު ހައި ކޯޓަށް ޢައްޔަންކޮށްފައި ވަނީ މި ސަރުކާރު ވެރިކަމާ ހަވާލުވި ފަހުންނެވެ.
ހައްޔަރުކުރުމުގެ ކުޑައިރުކޮޅެއް ކުރިން ޝާހިދު ސޯޝަލް މީޑިއާގައި ތުހުމަތުތައް ދޮގުކުރައްވައި ވިދާޅުވީ "މިއީ ސިޔާސީ ބޭނުމެއްގައި އޭނާގެ އަބުރު ކަތިލުމަށްޓަކައި ފަތުރަމުންދާ އެއްވެސް ހަގީގަތެއް ނެތް ވާހަކަތަކެއް" ކަމަށެވެ. ނަމަވެސް ރައީސް ޑރ. މުޙައްމަދު މުޢިއްޒު ވިދާޅުވެފައި ވަނީ ޝާހިދު ހައްޔަރުކުރުމުގެ ފަހަތުގައި ސިޔާސީ އެއްވެސް މަޤުޞަދެއް ނޯންނާނެ ކަމަށެވެ.
އދ. ގެ ޢާންމު މަޖިލީހުގެ ރައީސްކަން ވެސް ކުރައްވާފައިވާ 64 އަހަރުގެ ޝާހިދުގެ މައްޗަށް މި ތުހުމަތުތައް ކުރެވިފައި ވަނީ 2028 ވަނަ އަހަރުގެ ރިޔާސީ އިންތިޚާބުގައި އެމްޑީޕީގެ ޓިކެޓް ހޯއްދެވުމުގެ މަސައްކަތްޕުޅު ފައްޓަވާފައި ވަނިކޮށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް