މައިގަނޑު ބަޔަށް ދާން

ދުނިޔެ

ހޮރްމޫޒް ކަނޑުއޮޅީގައި ދެ ތެޔޮ ޓޭންކަރެއް މައިންތަކެއްގައި ޖެހި އެއް ޓޭންކަރު އަޑިއަށް ގޮސްފި

ހޮރްމޫޒް ކަނޑުއޮޅީގެ ދަތުރުފަތުރު މަނާ ސަރަހައްދަކުން ހުރަސްކުރަމުންދިޔަ ދެ ތެޔޮ ޓޭންކަރެއް ކަނޑު އަޑީގައިވާ މައިންތަކެއްގައި ޖެހި ގޮވައި، ދެ އުޅަނދުގައި ވެސް އަލިފާން ރޯވެ، އެއް ޓޭންކަރު އަޑިއަށް ގޮސްފިއެވެ.

ހޮރްމޫޒް ކަނޑުއޮޅީގައި ދެ ތެޔޮ ޓޭންކަރެއް މައިންތަކެއްގައި ޖެހި އެއް ޓޭންކަރު އަޑިއަށް ގޮސްފި

ހޮރްމޫޒް ކަނޑުއޮޅީގެ ދަތުރުފަތުރު މަނާ ސަރަހައްދަކުން ހުރަސްކުރަމުންދިޔަ ދެ ތެޔޮ ޓޭންކަރެއް ކަނޑު އަޑީގައިވާ މައިންތަކެއްގައި ޖެހި ގޮވައި، ދެ އުޅަނދުގައި ވެސް އަލިފާން ރޯވެ، އެއް ޓޭންކަރު އަޑިއަށް ގޮސްފިއެވެ.

އީރާނުގެ ރެވޮލިއުޝަނަރީ ގާޑާ ހަވާލާދީ އެ ޤައުމުގެ އިސްނާ ނިއުސް އެޖެންސީން ރިޕޯޓުކޮށްފައިވާ ގޮތުގައި، ކަނޑުއޮޅީގެ ދެކުނުން ދަތުރުކުރުން ބަންދުކޮށްފައި އޮތް މަގަކުން އެ ދެ އުޅަނދު ދަތުރުކުރަނިކޮށް ކަނޑު އަޑީގައި ވަޅުލާފައިވާ މައިންތަކެއް ގޮވައި ބޮޑެތި ގެއްލުންތަކެއް ލިބިފައިވެއެވެ. ގޮވުންތަކާ އެކު ދެ ޓޭންކަރުގައި ވެސް ވަރަށް ބޮޑަށް އަލިފާން ރޯވެ، ގެއްލުން ފެތުރެމުންދިޔަ ކަމަށް ރިޕޯޓުތައް ބުނެއެވެ.

އެ ހާދިސާގައި ހިމެނުނު އެއް އުޅަނދަކީ ދެ މިލިއަނަށް ވުރެ ގިނަ ފީފާގެ ސާފުނުކުރާ ތެޔޮ ބަރުކޮށްގެން ދަތުރުކުރަމުންދިޔަ ބިޔަ ސުޕަޓޭންކަރެއް ކަމަށް އިސްނާ ނިއުސް އެޖެންސީން ބުނެފައިވެއެވެ. އަލިފާނާއި ގެއްލުންތަކުގެ ސަބަބުން އެ ބިޔަ ޓޭންކަރު މިހާރު ގަލްފުގެ ދެކުނު ކަނޑުގެ ސަރަހައްދަށް އަޑިއަށް ގޮސްފައިވާ ކަން އެ އެޖެންސީން ކަށަވަރުކޮށްދީފައިވެއެވެ.

ޓޭންކަރު އަޑިއަށް ދިޔުމާ ގުޅިގެން، އެ ސަރަހައްދުގައި ހަރަކާތްތެރިވާ މަސްވެރިންނަށް އީރާނުގެ ރެވޮލިއުޝަނަރީ ގާޑުން ޚާއްޞަ އިލްތިމާސެއް ކޮށްފައިވެއެވެ. އެ ގޮތުން، އަޑިއަށް ގޮސްފައިވާ އުޅަނދުގެ ބައިތަކުގައި ޖެހި ނުރައްކާތެރި ހާދިސާއެއް ހިނގުން ހުއްޓުވުމަށްޓަކައި އެ ސަރަހައްދުން ދަތުރުކުރާ މަސްވެރިން ސަލާމަތީ ފިޔަވަޅުތައް އެޅުމަށާއި ޚާއްޞަ ސަމާލުކަމެއް ދިނުމަށް ވަނީ އަންގައިފައެވެ.

ކޮމެންޓް ކުރޭ

އީމެއިލް ނުފެންނާނެއެވެ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ނިއުސް ކާސްޓް

އެންމެ ފަހުގެ ޚަބަރުތަކާއި، ސިޔާސީ އަދި އިޖުތިމާޢީ ކަންކަމުގެ އެންމެ ފުރިހަމަ މަޢުލޫމާތު އެންމެ އަވަހަށް ގެނެސްދިނުމަށް ޚާއްޞަކޮށްފައިވާ ވެބްސައިޓެކެވެ. އަޅުގަނޑުމެންގެ މަޤްޞަދަކީ، ހަމަހަމަކަމާއި އިންޞާފުވެރިކަމާއެކު، އިތުބާރު ހުރި ޚަބަރުތައް ކިޔުންތެރިންނާ ހަމައަށް ގެނެސްދިނުމެވެ.

Copyright © 2026 Newscast. All rights reserved.