ވިނީޝިއަސްގެ ހެޓްރިކާއެކު ބްރެޒިލުން ސިންގަޕޫރު 7-0 އިން ބަލިކޮށްފި
ސިންގަޕޫރާ ދެކޮޅަށް ކުޅުނު އެކުވެރިކަމުގެ މެޗުގައި ފޯވާޑް ވިނީޝިއަސް ޖޫނިއާ ފުރަތަމަ ހާފުގައި 21 މިނެޓުގެ ތެރޭގައި ހެޓްރިކެއް ހަދައި، ބްރެޒިލުން 7-0 ގެ ބޮޑު ތަފާތަކުން މޮޅުވެއްޖެއެވެ.
ސިންގަޕޫރާ ދެކޮޅަށް ކުޅުނު އެކުވެރިކަމުގެ މެޗުގައި ފޯވާޑް ވިނީޝިއަސް ޖޫނިއާ ފުރަތަމަ ހާފުގައި 21 މިނެޓުގެ ތެރޭގައި ހެޓްރިކެއް ހަދައި، ބްރެޒިލުން 7-0 ގެ ބޮޑު ތަފާތަކުން މޮޅުވެއްޖެއެވެ.
ޖަޕާން އަތުން 3-2 އިން ބަލިވުމަށް ފަހު ނިކުތް މި މެޗުގައި ވިނީޝިއަސް ފުރަތަމަ ގޯލް ކާމިޔާބުކުރީ ޕެނަލްޓީ އޭރިއާ ތެރެއިން މިޑްފީލްޑަރު ބްރޫނޯ ގީމަރައެސް ދިން ޕާހަކުންނެވެ. އެއަށްފަހު ކުޑަ ވަގުތުކޮޅެއްގެ ތެރޭގައި ދެވަނަ ގޯލް ޖެހުމަށް ފަހު، އެސްޓެވާއޮގެ ޕާހަކުން ފަސޭހަ ނިންމުމެއް ޖަހައި ހެޓްރިކް ފުރިހަމަކުރިއެވެ. ރެއާލް މެޑްރިޑް ޓީމު މޭޓު އެންޑްރިކާއި އެސްޓެވާއޮ ވިލިއަން އަދި ރަޔާން ވެސް ގޯލް ޖެހިއިރު، ސިންގަޕޫރުގެ ރައިޓް ބެކް ރައޫލް ސުހައިމީ ވައްދާލި އޯން ގޯލަކުން ސިންގަޕޫރުގެ ހާލަތު އިތުރަށް ގޯސްވިއެވެ.
ރަތް ކާޑު ދެއްކުމާ ގުޅިގެން ބްރެޒިލްގެ މެނޭޖަރު ކާލޯ އެންޗެލޮޓީ އާއި ފޯވާޑް ރަފީނިއާ މި މެޗު ބެލީ ސްޓޭންޑުންނެވެ.
ރެއާލް މެޑްރިޑްގައި ސީޒަން ފެށި ގޮތާ ގުޅޭ ގޮތުން ހޯމަ ދުވަހު ވިނީޝިއަސް ބުނީ ތަމްރީނުތައް މަދުވުމާއި ޓްރާންސްފާ ޝައުގުވެރިކަމުގެ ސަބަބުން ސީޒަން ލަހުން ފެށުނީ ކަމަށް ބެލެވޭ ކަމަށެވެ.
އުމުރުން 26 އަހަރުގެ ވިނީޝިއަސް އޮގަސްޓް މަހު ރެއާލް މެޑްރިޑާ އެކު ދިގު މުއްދަތުގެ ކޮންޓްރެކްޓް އައު ކުރި ފަހުން 12 މެޗުގައި ޖެހީ އެންމެ ގޯލެކެވެ. ނަމަވެސް ޖަޕާން މެޗުގައި ބްރެޒިލްގެ ދެ ގޯލް ޖެހީ ވެސް އޭނާ ކަމަށް ވާ އިރު، ސިންގަޕޫރު މެޗާ އެކު ވިނީޝިއަސްގެ ފޯމު ރަނގަޅުވަމުން އަންނަކަން ހާމަވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް