މައިގަނޑު ބަޔަށް ދާން

ދުނިޔެ

މަނީޕޫރުގައި ވިހަ ބަންގުރާ ބޮއެގެން 11 މީހުން މަރުވެ 180 އަށްވުރެ ގިނަ މީހުންނަށް ފަރުވާ ދެނީ

އިންޑިއާގެ އިރުއުތުރުގެ މަނީޕޫރު ސްޓޭޓުގައި ނުރައްކާތެރި މާއްދާތައް އެކުލެވޭ ބަންގުރާ ބުއިމުގެ ސަބަބުން 11 މީހުން މަރުވެ، 180 އަށްވުރެ ގިނަ މީހުން ހޮސްޕިޓަލުގައި އެޑްމިޓްކޮށްފިއެވެ.

މަނީޕޫރުގައި ވިހަ ބަންގުރާ ބޮއެގެން 11 މީހުން މަރުވެ 180 އަށްވުރެ ގިނަ މީހުންނަށް ފަރުވާ ދެނީ

އިންޑިއާގެ އިރުއުތުރުގެ މަނީޕޫރު ސްޓޭޓުގައި ނުރައްކާތެރި މާއްދާތައް އެކުލެވޭ ބަންގުރާ ބުއިމުގެ ސަބަބުން 11 މީހުން މަރުވެ، 180 އަށްވުރެ ގިނަ މީހުން ހޮސްޕިޓަލުގައި އެޑްމިޓްކޮށްފިއެވެ.

މަނީޕޫރުގެ މުޝީރުލް ވަޒީރު ޔުމްނާމް ކޭމްޗަންދް ސިންގް ހުކުރު ދުވަހު ނެރުއްވި ބަޔާނުގައި ވިދާޅުވެފައިވާ ގޮތުގައި، ޞިއްޙަތަށް ގެއްލުންހުރި މާއްދާތައް ހިމެނޭ ބަންގުރާ ބޭނުންކުރުމުން ގިނަ ބައެއްގެ ހާލު ދެރަވެފައިވެއެވެ. ވޭތުވެދިޔަ 48 ގަޑިއިރު ތެރޭގައި މަރުވި މީހުންގެ ޢަދަދު 11 އަށް އެރިއިރު، ދެ ހޮސްޕިޓަލެއްގައި 180 އަށްވުރެ ގިނަ މީހުންނަށް ފަރުވާ ދެމުން އަންނަ ކަމަށް އެ ބަޔާނުގައި ބުނެފައިވެއެވެ.

އިންޑިއާގައި ރަސްމީ ނިޒާމުގެ ބޭރުން ޤަވާއިދާ ޚިލާފަށް އުފައްދައި ވިއްކާ އަގުހެޔޮ ބަންގުރާގައި، ސިނާޢީ ބޭނުންތަކަށް ޚާއްޞަ ވިހަ ކެމިކަލެއް ކަމަށްވާ މެތަނޯލް ގިނަ ޢަދަދަކަށް ހުންނަ ކަމަށް ރިޕޯޓުތައް ބުނެއެވެ. ބައެއް ސަރަޙައްދުތަކުގައި ޑޮލަރަކަށްވުރެ ވެސް ކުޑަ އަގެއްގައި ލިބެން ހުންނަ މި ބާވަތުގެ ބަންގުރާގައިވާ މެތަނޯލްގެ ސަބަބުން ލޯ އަނދިރިވުމާއި ފުރަމޭ ހަލާކުވުމުގެ އިތުރުން ފުރާނައަށް ވެސް ނުރައްކާވެއެވެ.

މި އަހަރު ވެސް އިންޑިއާގެ އެކި ހިސާބުތަކުގައި މިފަދަ ހާދިސާތައް ހިނގާފައިވެއެވެ. ވޭތުވެދިޔަ މެއި މަހު މަހަރާޝްތުރާ ސްޓޭޓުގެ ޕޫނޭ އާއި ޕިމްޕްރީ-ޗިންޗްވާޑުގައި މެތަނޯލް ހިމެނޭ ބަންގުރާ ބޮއެގެން 15 މީހަކު މަރުވިއިރު، އޮގަސްޓް މަހު ގުޖުރާތުގެ ބާވްނަގަރު ޑިސްޓްރިކްޓުގައި ވެސް 13 މީހުން މަރުވެ 60 އަށްވުރެ ގިނަ މީހުންގެ ޞިއްޙަތަށް ބޮޑެތި ގެއްލުންތައް ލިބިފައިވާ ކަމަށް އެ ޤައުމުގެ މީޑިއާތަކުން ރިޕޯޓުކޮށްފައިވެއެވެ.

ކޮމެންޓް ކުރޭ

އީމެއިލް ނުފެންނާނެއެވެ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ނިއުސް ކާސްޓް

އެންމެ ފަހުގެ ޚަބަރުތަކާއި، ސިޔާސީ އަދި އިޖުތިމާޢީ ކަންކަމުގެ އެންމެ ފުރިހަމަ މަޢުލޫމާތު އެންމެ އަވަހަށް ގެނެސްދިނުމަށް ޚާއްޞަކޮށްފައިވާ ވެބްސައިޓެކެވެ. އަޅުގަނޑުމެންގެ މަޤްޞަދަކީ، ހަމަހަމަކަމާއި އިންޞާފުވެރިކަމާއެކު، އިތުބާރު ހުރި ޚަބަރުތައް ކިޔުންތެރިންނާ ހަމައަށް ގެނެސްދިނުމެވެ.

Copyright © 2026 Newscast. All rights reserved.