އިންޑޮނޭޝިއާ ބިންހެލުމުގައި 51 މީހުން މަރުވެ އެތައް ހާސް ބަޔަކު ހާލުގައި ޖެހިއްޖެ
އެ ޤައުމުގެ ސިއްޙީ ވަޒީރުގެ ނައިބު ބެންޖަމިން ޕޯލަސް އޮކްޓޭވިއަނަސް ހާމަކުރެއްވި ގޮތުގައި މި ކާރިސާގައި 36 މީހަކަށް ބޮޑެތި ޒަޚަމްތައް ލިބިފައިވެއެވެ. އެކިވަރުގެ ކުދި އަނިޔާތައް ލިބުނު މީހުންގެ ޢަދަދު 77 އަށް އަރާ ކަމަށް ވެސް އެ މަނިކުފާނު ވިދާޅުވިއެވެ. ބިންގަނޑު ކަނޑައިގެން ގޮސް މަގުތައް ބެދުމުގެ ސަބަބުން ގެއްލުން ބޮޑުވެ ފުރަތަމަ ބިންހެލުމަށްފަހު 341 ލޮޅުމެއް ރެކޯޑުކުރެވިފައިވެއެވެ.
އިންޑޮނޭޝިއާގެ އިރުމަތީ ނޫސާ ތެންގާރާ ޕްރޮވިންސަށް އިއްޔެ ހެނދުނު ރިކްޓަރ މިންގަނޑުން 7.7 ގެ ބާރުމިނުގައި އައި ބިންހެލުމެއްގައި 51 މީހުން މަރުވެ 5000 އަށްވުރެ ގިނަ މީހުން ރައްކާތެރި ސަރަޙައްދުތަކަށް ބަދަލުކޮށްފައިވާ ކަމަށް އެ ޤައުމުގެ ކަމާ ގުޅޭ އިދާރާތަކުން ބުނެފިއެވެ.
އެ ޤައުމުގެ ސިއްޙީ ވަޒީރުގެ ނައިބު ބެންޖަމިން ޕޯލަސް އޮކްޓޭވިއަނަސް ހާމަކުރެއްވި ގޮތުގައި މި ކާރިސާގައި 36 މީހަކަށް ބޮޑެތި ޒަޚަމްތައް ލިބިފައިވެއެވެ. އެކިވަރުގެ ކުދި އަނިޔާތައް ލިބުނު މީހުންގެ ޢަދަދު 77 އަށް އަރާ ކަމަށް ވެސް އެ މަނިކުފާނު ވިދާޅުވިއެވެ. ބިންގަނޑު ކަނޑައިގެން ގޮސް މަގުތައް ބެދުމުގެ ސަބަބުން ގެއްލުން ބޮޑުވެ ފުރަތަމަ ބިންހެލުމަށްފަހު 341 ލޮޅުމެއް ރެކޯޑުކުރެވިފައިވެއެވެ.
ކާރިސާތަކާ ބެހޭ އިދާރާ (ބީއެންޕީބީ) އިން ބުނާ ގޮތުގައި ސިއްކާ ސަރަޙައްދުން އެކަނި 3300 އަށްވުރެ ގިނަ ރައްޔިތުން ވަނީ ކުޅިވަރު ދަނޑުތަކުގައި ޖެހި ފޭލިގެތަކަށާއި އެ ނޫންވެސް ރައްކާތެރި ތަންތަނަށް ގެންގޮސްފައެވެ. ވެއްޓިފައިވާ ޢިމާރާތްތަކުގެ ކައިރީގައި ޖެހި ވަގުތީ ފޭލިގެތަކުގައި ސިއްކާގެ ގިނަ ބަޔަކު ދިރިއުޅެމުންދާއިރު މައުމެރޭ ހޮސްޕިޓަލު ފުރިބާރުވެ ޒަޚަމްވި ފަރާތްތަކަށް ފަރުވާ ދެމުން ގެންދަނީ ހޮސްޕިޓަލުގެ ބޭރުގައި ހެދި ވަގުތީ ތަންތަނުގައެވެ. ސިއްކާގެ ނައިބު ރީޖަންޓް ސައިމަން ސުބަންދީ ވިދާޅުވީ ލޮޅުން އިތުރަށް އައިސްފާނެ ކަމުގެ ބިރުގައި ގިނަ ބަޔަކު ގެތަކަށް ނުވަދެ ރޭގަނޑު ވެސް ފޭލިގެތަކުގައި ހޭދަކުރަމުންދާ ކަމަށެވެ.
ކެބިނެޓް ސެކްރެޓަރީ ޓެޑީ އިންދުރާ ވިޖާޔާ ނެރުއްވި ބަޔާނެއްގައި ވިދާޅުވީ ސިފައިންނާއި ފުލުހުންގެ 3500 އަށްވުރެ ގިނަ އޮފިސަރުން ކާރިސާ ސަރަޙައްދުގައި ޙަރަކާތްތެރިވަމުންދާ ކަމަށެވެ. މީހުން ހޯދައި ސަލާމަތްކުރާ ޓީމުތަކުން ބުނި ގޮތުގައި ބިންގަނޑު ކަނޑައިގެން ގޮސް ބެދިފައި އޮތް މައުމެރޭގެ ބައެއް ސަރަޙައްދުތަކަށް މިހާރު ވަދެވިފައިވެއެވެ. ގެއްލިފައިވާ މީހުންގެ ސީދާ ޢަދަދު ކަށަވަރު ނުވި ނަމަވެސް ވެއްޓުނު ޢިމާރާތްތަކުގެ ދަށުގައި ގިނަ ބަޔަކު ތާށިވެފައި ތިބި ކަމަށް ބެލެވެއެވެ. މި ކާރިސާގައި 1300 އަށްވުރެ ގިނަ ގެއަށް ބޮޑެތި ގެއްލުން ލިބިފައިވާއިރު ކަރަންޓު ކެނޑުމާ ގުޅިގެން 20 ޕެޓްރޯލް ޝެޑެއްގެ ޚިދުމަތް ވެސް ހުއްޓިފައިވާ ކަމަށް އެ ޤައުމުގެ ހަކަތައާ ބެހޭ ކުންފުނިން ބުނެފައިވެއެވެ.
ޙާލަތު ގޯސްވަމުންދާތީ ކާރިސާއިން އަރައިގަތުމަށް ބޭނުންވާ ވަޞީލަތްތައް އަވަހަށް ހޯދުމުގެ ގޮތުން އެ ޕްރޮވިންސުގައި ކުއްލި ނުރައްކަލުގެ ޙާލަތު އިޢުލާނުކުރުމާ މެދު ސަރުކާރުން ދަނީ ވިސްނަމުންނެވެ. ޖިއޯފިޒިކްސް އޭޖެންސީން ފާހަގަކުރާ ގޮތުގައި 1992 ވަނަ އަހަރު ވެސް މި ސަރަޙައްދަށް ރިކްޓަރ މިންގަނޑުން 7.5 ގެ ބާރުގަދަ ބިންހެލުމެއް އައިސް ބޮޑެތި ގެއްލުންތަކެއް ލިބިފައިވެއެވެ. ގާތްގަނޑަކަށް 290 މިލިއަން މީހުންގެ އާބާދީއެއް އޮތް އިންޑޮނޭޝިއާ އޮންނަނީ ދުނިޔޭގެ ޓެކްޓޯނިކް ޕްލޭޓްތައް ގުޅޭ "ޕެސިފިކް ރިންގް އޮފް ފަޔަރ" ސަރަޙައްދުގައި ކަމުން ބިންހެލުމާއި އަލިފާންފަރުބަދަ ގޮވުމުގެ ނުރައްކާ އެ ޤައުމަށް އަބަދުވެސް ބޮޑެވެ.
ލިޔުންތެރިޔާ
އަހުމަދު އާހިލް ސައީދު
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
