މާލެ ސަރަހައްދުގައި ހަ މަސް ތެރޭ 1355 އެކްސިޑެންޓް ހިނގައިފި
އެ ޢަދަދަށް ބަލާއިރު އެވެރެޖްކޮށް ކޮންމެ ދުވަހަކު ހަތެއް ނުވަތަ އަށެއް އެކްސިޑެންޓް ހިނގާފައިވެއެވެ. ފުލުހުން ޢާންމުކުރި ތަފާސްހިސާބުތައް ދައްކާ ގޮތުން މި ޙާދިސާތަކުގެ ބޮޑު ބައެއް ހިނގާފައި ވަނީ މާލޭގެ މަގުތަކުގައެވެ.
އަހުމަދު އާހިލް ސައީދު
މި އަހަރުގެ ފުރަތަމަ ހަ މަސް ދުވަހު މާލެއާއި ބްރިޖާއި ހައިވޭގައި 1355 އެކްސިޑެންޓް ރެކޯޑު ކުރެވިފައިވާ ކަމަށް ދިވެހި ފުލުހުންގެ ޚިދުމަތުން ހާމަކޮށްފިއެވެ.
އެ ޢަދަދަށް ބަލާއިރު އެވެރެޖްކޮށް ކޮންމެ ދުވަހަކު ހަތެއް ނުވަތަ އަށެއް އެކްސިޑެންޓް ހިނގާފައިވެއެވެ. ފުލުހުން ޢާންމުކުރި ތަފާސްހިސާބުތައް ދައްކާ ގޮތުން މި ޙާދިސާތަކުގެ ބޮޑު ބައެއް ހިނގާފައި ވަނީ މާލޭގެ މަގުތަކުގައެވެ.
ޖުމްލަ އެކްސިޑެންޓުތަކުގެ 83.25 އިންސައްތަ ހިއްސާ ކުރަނީ މާލެ ކަމަށް ވާއިރު ބްރިޖާއި ހައިވޭ ސަރަހައްދުގައި ހިނގާފައި ވަނީ 16.75 އިންސައްތައެވެ.
މާލެ ސަރަހައްދުގައި ކާރުބާރު ބޮޑުވެ ޓްރެފިކް ތޮއްޖެހެމުން ދަނީ އާބާދީ އެއް ސަރަހައްދަކަށް ޖަމާވެފައި ވުމާއި އެއްގަމު އުޅަނދުފަހަރުގެ ޢަދަދު އިތުރުވެފައި ވުމުގެ ސަބަބުންނެވެ.
ހަނި މަގުތަކާއި ކުދި ގޯޅިތަކުގެ ތެރޭގައި އުޅަނދުތައް ގިނަވުމަކީ މި ނުރައްކާ ބޮޑުވާ މައިގަނޑު ސަބަބެއް ކަމަށް ފާހަގަކުރެވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
