އެމްއައިބީން "ފައިސާރެމިޓް" ގެ ނަމުގައި 15 ޤައުމަކަށް ފައިސާ ފޮނުވޭ ޚިދުމަތެއް ފަށައިފި
މި ޚިދުމަތް ފަރުމާކޮށްފައި ވަނީ ބޭންކުގެ ބްރާންޗަކަށް ދާން ނުޖެހި އެމްއައިބީގެ ފައިސާނެޓް ޕްލެޓްފޯމް މެދުވެރިކޮށް ބޭރު ޤައުމުތަކުގެ ބޭންކު އެކައުންޓުތަކަށާއި އިލެކްޓްރޯނިކް ވޮލެޓުތަކަށް ސީދާ ފައިސާ ޖަމާކުރެވޭ ގޮތަށް ކަމަށް އެ ބޭންކުން ބުނެފައިވެއެވެ. ކޮންމެ ޓްރާންސެކްޝަނެއްގައި ފޮނުވެނީ 50 ޑޮލަރާއި 5،000 ޑޮލަރާ ދެމެދުގެ އަދަދެކެވެ.
މޯލްޑިވްސް އިސްލާމިކް ބޭންކް (އެމްއައިބީ) ގެ ކަސްޓަމަރުންނަށް ގޭގައި ތިބެގެން ދުނިޔޭގެ 15 ޤައުމަކަށް ޑިޖިޓަލް ގޮތުން ފައިސާ ފޮނުވޭނެ "ފައިސާރެމިޓް" ޚިދުމަތް މިއަދު ތަޢާރަފުކޮށްފިއެވެ.
މި ޚިދުމަތް ފަރުމާކޮށްފައި ވަނީ ބޭންކުގެ ބްރާންޗަކަށް ދާން ނުޖެހި އެމްއައިބީގެ ފައިސާނެޓް ޕްލެޓްފޯމް މެދުވެރިކޮށް ބޭރު ޤައުމުތަކުގެ ބޭންކު އެކައުންޓުތަކަށާއި އިލެކްޓްރޯނިކް ވޮލެޓުތަކަށް ސީދާ ފައިސާ ޖަމާކުރެވޭ ގޮތަށް ކަމަށް އެ ބޭންކުން ބުނެފައިވެއެވެ. ކޮންމެ ޓްރާންސެކްޝަނެއްގައި ފޮނުވެނީ 50 ޑޮލަރާއި 5,000 ޑޮލަރާ ދެމެދުގެ އަދަދެކެވެ.
އެމްއައިބީން ބުނީ ގިނަ ޓްރާންސެކްޝަންތައް ވަގުތުން ނުވަތަ ހަމަ އެ ދުވަހު ޖަމާވާނެ ކަމަށެވެ. އެހެން ނަމަވެސް ފައިސާ ލިބޭ ޤައުމާއި ބޭންކަށް ބަލައި ބައެއް ފަހަރު ގިނަވެގެން ދެ ދުވަސް ނެގުން އެކަށީގެންވާ ކަމަށް ވެސް އެ ބޭންކުން ފާހަގަކޮށްފައިވެއެވެ.
ފައިސާ ފޮނުވުމުގެ ކުރިން ލިބޭ ފަރާތަށް ޖަމާވާނެ އަދަދާއި ޑޮލަރުގެ އަދަދާއި ޗާޖުތަކާއި އެކްސްޗޭންޖް ފީ އަދި ޖުމްލަ ކެނޑޭނެ ޢަދަދު ޓްރާންސެކްޝަން ކޮންފާމް ކުރުމުގެ ކުރިން ކަސްޓަމަރަށް ފެންނާނެ ކަމަށް އެމްއައިބީން ބުނެފައިވެއެވެ.
މި ޚިދުމަތުގެ ދަށުން މިވަގުތު ފައިސާ ފޮނުވެނީ އޮސްޓްރޭލިއާ ބަންގްލަދޭޝް ޗައިނާ އިންޑިއާ އިންޑޮނޭޝިއާ މެލޭޝިއާ ނޭޕާލް ޕާކިސްތާން ފިލިޕީންސް ސިންގަޕޫރު ސްރީލަންކާ ތައިލޭންޑް ޔޫކޭ ޔޫއެސްއޭ އަދި ވިއެޓްނާމަށެވެ. ޚިދުމަތް ލިބޭ ޤައުމުތަކާއި ފައިސާގެ ބާވަތްތަކާއި ދޫކުރާ ގޮތްތައް ވަގުތާ އެކު ބަދަލުވުމަކީ އެކަށީގެންވާ ކަމެއް ކަމަށް އެމްއައިބީން ބުނެފައިވެއެވެ.
ލިޔުންތެރިޔާ
އަހުމަދު އާހިލް ސައީދު
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
