އެމްޑީޕީގެ ރައީސާއި ނާއިބު ރައީސްގެ މަގާމު އުވައިލުމަށް ކޮންގްރެސްއަށް ހުށަހަޅަނީ
އެމްޑީޕީގެ އެންމެ އިސް މަގާމަކީ ޗެއާޕާސަންގެ މަގާމު ކަމުގައި ހަމަޖައްސައި، ޕާޓީގެ ރައީސާއި ނާއިބު ރައީސްގެ މަގާމު އުވައިލުމަށް އެ ޕާޓީގެ ކޮންގްރެސްއަށް ހުށަހެޅުމަށް ނިންމައިފިއެވެ.
އަހުމަދު އާހިލް ސައީދު
އެމްޑީޕީގެ އެންމެ އިސް މަގާމަކީ ޗެއާޕާސަންގެ މަގާމު ކަމުގައި ހަމަޖައްސައި، ޕާޓީގެ ރައީސާއި ނާއިބު ރައީސްގެ މަގާމު އުވައިލުމަށް އެ ޕާޓީގެ ކޮންގްރެސްއަށް ހުށަހެޅުމަށް ނިންމައިފިއެވެ.
މިރޭ ފެށޭ ކޮންގްރެސްގައި އެމްޑީޕީގެ އަސާސީ ގަވާއިދަށް ބޮޑެތި ބަދަލުތަކެއް ގެނައުމަށް ވަނީ ރާވައިފައެވެ. ހުށަހެޅޭ އެންމެ ފާހަގަކޮށްލެވޭ ބަދަލަކީ ޗެއާޕާސަންގެ މަގާމަކީ ޕާޓީގެ އެންމެ އިސް މަގާމުގެ ގޮތުގައި ކަނޑައެޅުމެވެ. މި ބަދަލު ފާސްވެއްޖެ ނަމަ ޗެއާޕާސަންގެ ގޮތުގައި ހުންނަ ބޭފުޅަކަށް އެހެން މަގާމެއް ނުފުރެވޭނެއެވެ. ހަމައެހެންމެ ރައީސުލްޖުމްހޫރިއްޔާގެ މަގާމުގައި ހުންނަ ބޭފުޅަކަށް ވެސް ޗެއާޕާސަންކަން އަދައެއް ނުކުރެވޭނެއެވެ.
މިހާރު އެމްޑީޕީގެ އަސާސީ ގަވާއިދު އޮންނަ ގޮތުން އެ ޕާޓީގެ މެންބަރަކު ރައީސުލްޖުމްހޫރިއްޔާގެ މަގާމުގައި ހުންނަވާ ނަމަ، އެ ބޭފުޅަކީ ޕާޓީގެ ރައީސެވެ. ނަމަވެސް އެ އުސޫލު ބަދަލުކޮށް ޕާޓީގެ ރައީސާއި ނާއިބު ރައީސްގެ މަގާމު އެއްކޮށް އުވައިލުމަށް ކޮންގްރެސްއަށް ހުށަހެޅުމަށް ވަނީ ނިންމައިފައެވެ.
މީގެ އިތުރުން ޗެއާޕާސަންގެ ނާއިބުގެ މަގާމު އިތުރުކުރުމަށް ވެސް ހުށަހެޅުމަށް ވަނީ ނިންމައިފައެވެ. މިހާރު އެ މަގާމުގައި ތިބެނީ ދެ ނާއިބުންނެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
