ވިލިމާލެ ފަޅުގައި ހުއްދަ ނެތި އަޅާފައި އޮތް 12 އުޅަނދެއް ޖޫރިމަނާކޮށްފި
ވިލިމާލެ ފަޅުތެރޭގައި އުސޫލާ ޚިލާފަށް އަޅާފައި އޮތް 12 އުޅަނދަކުން ކޮންމެ އުޅަނދަކުން 500 ރުފިޔާގެ ޖޫރިމަނާއެއް ނެގުމަށް މާލެ ސިޓީ ކައުންސިލުން ނިންމައިފިއެވެ.
އަހުމަދު އާހިލް ސައީދު
ވިލިމާލެ ފަޅުތެރޭގައި އުސޫލާ ޚިލާފަށް އަޅާފައި އޮތް 12 އުޅަނދަކުން ކޮންމެ އުޅަނދަކުން 500 ރުފިޔާގެ ޖޫރިމަނާއެއް ނެގުމަށް މާލެ ސިޓީ ކައުންސިލުން ނިންމައިފިއެވެ.
އެ ކައުންސިލުން ބުނި ގޮތުގައި އެ އުޅަނދުތައް ފަޅުގައި އޮތީ ރަސްމީ ހުއްދައާ އެކު ފަޅު ބޭނުންކުރަމުން ގެންދިޔަ އޮޑިދޯނިފަހަރަށް ދަތިވާ ގޮތަށެވެ. ގަވާއިދާ އެއްގޮތަށް ޖާގަ ހޯދައިގެން ފަޅު ބޭނުންކުރާ ފަރާތްތަކަށް ކުރިމަތިވާ ދަތިތައް ޙައްލުކުރުމުގެ ގޮތުން މި ފިޔަވަޅު އެޅީ ކަމަށް ކައުންސިލުން ބުނެފައިވެއެވެ.
ކައުންސިލުން ވަނީ ކުރިއަށް އޮތް ތަނުގައި ވެސް ގަވާއިދާ ޚިލާފަށް ފަޅުގައި އޮންނަ އުޅަނދުތަކާ މެދު ފިޔަވަޅު އަޅާނެ ކަމުގެ އިންޒާރު ދީފައެވެ. އަދި ފަޅު ބޭނުންކުރުމުގެ ގަވާއިދުތަކަށް ހުރިހާ ފަރާތްތަކުން ވެސް ތަބާވުމަށް ކައުންސިލުން ވަނީ އިލްތިމާސްކޮށްފައެވެ.
ވިލިމާލެ ފަޅަކީ ސިޓީ ކައުންސިލްގެ ބެލުމުގެ ދަށުން ބަލަހައްޓާ ސަރަޙައްދެކެވެ. މީގެ ކުރިން ވެސް މާލެ އާއި ވިލިމާލެ ފަޅުގައި ގަވާއިދާ ޚިލާފަށް އޮތް އުޅަނދުތައް ޖޫރިމަނާކޮށްފައިވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
