މަސްތުވާތަކެތީގެ ކެފޭތައް ނޮވެންބަރުގެ ނިޔަލަށް ބަންދުކުރާނެ ކަމަށް ހޯމް މިނިސްޓަރު ވިދާޅުވެއްޖެ
މާލެއާއި އެހެން ސިޓީތަކުގައި ހިންގަމުންދާ މަސްތުވާތަކެތީގެ ކެފޭތައް އަންނަ ނޮވެންބަރު މަހުގެ ނިޔަލަށް އެއްކޮށް ބަންދުކުރެވޭނެ ކަމަށް ހޯމް މިނިސްޓަރު ޢަލީ އިހްސާން ވިދާޅުވެއްޖެއެވެ.
އަހުމަދު އާހިލް ސައީދު
މާލެއާއި އެހެން ސިޓީތަކުގައި ހިންގަމުންދާ މަސްތުވާތަކެތީގެ ކެފޭތައް އަންނަ ނޮވެންބަރު މަހުގެ ނިޔަލަށް އެއްކޮށް ބަންދުކުރެވޭނެ ކަމަށް ހޯމް މިނިސްޓަރު ޢަލީ އިހްސާން ވިދާޅުވެއްޖެއެވެ.
އަހާ ފޯރަމްގައި ވާހަކަފުޅު ދައްކަވަމުން މިނިސްޓަރު ވިދާޅުވީ ބައެއް ގޭގައި ތަކުރާރުކޮށް މިފަދަ ކެފޭތައް ހިންގަމުންދާ ކަމަށާއި އެއީ ވަރަށް ބޮޑު ކަންބޮޑުވުމެއް ކަމަށެވެ. އެއް ތަނެއް ބަންދުކުރުމާ އެކު އެހެން ބަޔަކު އެ މަސައްކަތް އަލުން ފަށާ ކަމަށާއި، އެކަމަށް ނިމުމެއް ގެނައުމަށް ހަރުދަނާ މަސައްކަތްތަކެއް ކުރައްވަމުން ގެންދަވާ ކަމަށް އިހްސާން ވިދާޅުވިއެވެ.
މިނިސްޓަރު ވިދާޅުވި ގޮތުގައި ފާއިތުވި ތިން ހަތަރު މަސް ދުވަހުގެ ތެރޭގައި މަސްތުވާތަކެތީގެ ކެފޭގެ ގޮތުގައި ހިންގަމުންދިޔަ 17 ތަނެއް ބަންދުކޮށްފައިވެއެވެ. އޭގެ ތެރޭގައި މާލޭގެ 12 ތަނަކާއި އައްޑޫ ސިޓީގެ ހަތަރު ތަނެއްގެ އިތުރުން ފުވައްމުލަކު ސިޓީގެ ތަނެއް ހިމެނެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
