ޕިކަޕެއްގެ ދޮރުގައި ސައިކަލެއް ޖެހި ހުޅުމާލޭގައި ނުރައްކާތެރި އެކްސިޑެންޓެއް ހިނގައިފި

ހުޅުމާލެ ފޭސް އެކެއްގެ ނިރޮޅުމަގު ހެޕީމާކެޓް ކައިރީގައި މަޑުކޮށްގެން އޮތް ޕިކަޕެއްގެ ދޮރު ހުޅުވާލި ވަގުތު އެ ދޮރުގައި ސައިކަލެއް ޖެހި މިއަދު ހަވީރު ނުރައްކާތެރި އެކްސިޑެންޓެއް ހިނގައިފިއެވެ.

މި ހާދިސާގެ ރިޕޯޓު ފުލުހުންނަށް ލިބިފައިވަނީ ހަވީރު 4:04 ހާއިރު ކަމަށް ފުލުހުން ބުނެފައިވެއެވެ. އެކްސިޑެންޓުގައި ސައިކަލު ދުއްވި 27 އަހަރުގެ ދިވެހި ފިރިހެން މީހާއަށް އަނިޔާވި ނަމަވެސް ސީރިއަސް އަނިޔާއެއް ލިބިފައެއް ނުވެއެވެ.

މީގެ ކުރިން ވެސް މިފަދަ ހާދިސާއެއްގައި ހުޅުމާލެ ފޭސް ދޭއްގައި ކުޑަކުއްޖެއްގެ ފުރާނަ ގެއްލިފައިވެއެވެ.