ވިލިމާލެ މަސްތުވާތަކެތީގެ އޮޕަރޭޝަނެއްގައި ފިލްމީ ތިން ތަރިއަކާ އެކު ހަތަރު މީހަކު ހައްޔަރުކޮށްފި

ވިލިމާލޭގައި ފުލުހުން ހިންގި މަސްތުވާތަކެއްޗާ ދެކޮޅު އޮޕަރޭޝަނެއްގައި، ފިލްމީ ދާއިރާގެ ތިން ފަންނާނަކު ހިމެނޭ ގޮތަށް ދިވެހި ހަތަރު ފިރިހެނަކު ފުލުހުންގެ ބެލުމުގެ ދަށަށް ގެނެސްފިއެވެ.

ހައްޔަރުކުރި މީހުންގެ ތެރެއިން ތިން މީހަކީ ދިވެހި ފިލްމީ ދާއިރާގައި ހަރަކާތްތެރިވާ ފަރާތްތަކެއް ކަމަށް ފުލުހުން ބުނި ނަމަވެސް، އެ މީހުންގެ ވަނަވަރު އަދި ހާމަކޮށްފައެއް ނުވެއެވެ.

ފުލުހުން ބުނީ ހައްޔަރުކުރި މީހުން ބަލައި ފާސްކުރުމުގެ މަސައްކަތް މިހާރު ކުރިއަށްދާ ކަމަށެވެ. އިތުރު ތަފުސީލު ފަހުން ހިއްސާކުރާނެ ކަމަށް ވެސް ފުލުހުން ބުނެފައިވެއެވެ.