ބިދޭސީ އަންހެނަކަށް އަނިޔާކޮށް ފޭރުނު މައްސަލައިގައި ނޭޕާލް މީހަކު ހައްޔަރުކޮށްފި

ރ. މަޑުއްވަރީގައި ބިދޭސީ އަންހެނަކާ މެދު މާރާމާރީ ހިންގައި އޭނާގެ އަތުން ފައިސާ ފޭރިގަތް މައްސަލައެއްގައި ނޭޕާލް ފިރިހެނަކު ހައްޔަރުކޮށްފިއެވެ.

ފުލުހުން ބުނީ މި ހާދިސާ ހިނގީ ސެޕްޓެމްބަރު 24 ވަނަ ދުވަހުގެ ހެނދުނު 06:04 އެހައިކަންހާއިރު ކަމަށެވެ. އެ މައްސަލަ ފުލުހުންނަށް ރިޕޯޓުކުރުމާ ގުޅިގެން ކޯޓު އަމުރެއްގެ ދަށުން ސެޕްޓެމްބަރު 26 ވަނަ ދުވަހު 24 އަހަރުގެ ނޭޕާލް ފިރިހެނަކު ވަނީ ހައްޔަރުކޮށްފައެވެ.

ހައްޔަރުކުރި މީހާގެ ބަންދާ މެދު ގޮތެއް ނިންމުމަށް ކޯޓަށް ހާޒިރުކުރުމުން، އޭނާގެ ބަންދަށް ފަސް ދުވަހުގެ މުއްދަތެއް ކޯޓުން ދީފައިވާ ކަމަށް ފުލުހުން ބުނެފައިވެއެވެ.