ކުނޫޒުގައި އެއްޗެއް ގޮއްވައިލަން އުޅުނު މައްސަލައިގެ ދައުވާ ބާތިލުކުރެވެން ނެތް ކަމަށް ސުޕްރީމް ކޯޓުން ނިންމައިފި
މި ދައުވާ އުފުލީ 2017 ވަނަ އަހަރުގެ ޖުލައި މަހު ޖުމްލަ ހަތަރު މީހެއްގެ މައްޗަށެވެ. އެ ހަތަރު މީހުންގެ ތެރެއިން ގދ. މަޑަވެލީ ގަމަރީ އިއުތިސާމް މުޙައްމަދު ސަޢީދުގެ ފަރާތުން ޝަރީޢަތުގެ ކުރީގެ ހުށަހެޅުމެއް ހުށަހެޅީ ދައުލަތުގެ ސަބަބުން މައްސަލަ ނުނިމި ދިގުލައިފައިވާ ކަމަށް ބުނެ އެ ދައުވާ ބާތިލުކޮށްދިނުމަށް އެދިއެވެ. ކްރިމިނަލް ކޯޓުންނާއި ހައި ކޯޓުން ވެސް ކުރިން ނިންމާފައި އޮތީ ދައުވާ ބާތިލުކުރެވެން ނެތް ކަމަށެވެ.
ޖުމްހޫރީ ޕާޓީގެ މައި ޖަގަހަ މ. ކުނޫޒުގައި އެއްޗެއް ގޮއްވައިލަން އުޅުނު ކަމުގެ ތުހުމަތުގައި ދައުލަތުން ކުރާ ދައުވާއެއް ބާތިލުކޮށްދިނުމަށް ދައުވާ ލިބޭ ފަރާތުން ކުރި މަސައްކަތް ނާކާމިޔާބުވެ ދަށު ކޯޓާއި ހައި ކޯޓުގެ ނިންމުން ރަނގަޅު ކަމަށް ސުޕްރީމް ކޯޓުން މިއަދު ހުކުމްކޮށްފިއެވެ.
މި ދައުވާ އުފުލީ 2017 ވަނަ އަހަރުގެ ޖުލައި މަހު ޖުމްލަ ހަތަރު މީހެއްގެ މައްޗަށެވެ. އެ ހަތަރު މީހުންގެ ތެރެއިން ގދ. މަޑަވެލީ ގަމަރީ އިއުތިސާމް މުޙައްމަދު ސަޢީދުގެ ފަރާތުން ޝަރީޢަތުގެ ކުރީގެ ހުށަހެޅުމެއް ހުށަހެޅީ ދައުލަތުގެ ސަބަބުން މައްސަލަ ނުނިމި ދިގުލައިފައިވާ ކަމަށް ބުނެ އެ ދައުވާ ބާތިލުކޮށްދިނުމަށް އެދިއެވެ. ކްރިމިނަލް ކޯޓުންނާއި ހައި ކޯޓުން ވެސް ކުރިން ނިންމާފައި އޮތީ ދައުވާ ބާތިލުކުރެވެން ނެތް ކަމަށެވެ.
ފަނޑިޔާރު ޢާއިޝާ ޝުޖޫން މުޙައްމަދު ރިޔާސަތު ބެލެހެއްޓެވި ސުޕްރީމް ކޯޓުގެ ތިން ފަނޑިޔާރުންގެ ބެންޗުން އިއްތިފާޤުވެ ނިންމީ ދަށު ދެ ކޯޓުގެ ނިންމުން ދެމެހެއްޓުމަށެވެ. އެ ބެންޗުގައި ދެން ތިއްބެވީ ފަނޑިޔާރު ޢަލީ ރަޝީދު ޙުސައިނާއި ފަނޑިޔާރު ޢަބްދުﷲ ޙަމީދެވެ.
ސުޕްރީމް ކޯޓުގެ ހުކުމުގައި ފާހަގަކޮށްފައިވާ ގޮތުގައި މައްސަލަ ލަސްވީ ހަމައެކަނި ދައުލަތުގެ ޢަމަލުތަކުގެ ސަބަބުން ނޫނެވެ. ގާޒީ ތަކުރާރުކޮށް ބަދަލުވުމާއި ވަކީލުންގެ އެދުމުގެ މަތިން އަޑުއެހުންތައް ކެންސަލުކުރަން ޖެހުމަކީ ވެސް ލަސްވުމުގެ ސަބަބެއް ކަމުގައި ހުކުމުގައި ބަޔާންކޮށްފައިވެއެވެ. އޭގެ އިތުރުން މައްސަލަ ލަސްވެގެން އަސާސީ ޙައްޤެއް ގެއްލިފައިވާ ކަމަށް ބުނާ ނަމަ އެކަން ވަކި ދައުވާއެއްގެ ގޮތުގައި ހުށަހެޅިދާނެ ކަމަށާއި ނަމަވެސް އެއީ ޖިނާއީ ދައުވާ ބާތިލުކުރެވޭ ސަބަބެއް ނޫން ކަމަށް ވެސް ހުކުމުގައިވެއެވެ.
މި ހުކުމާ އެކު 2017 ވަނަ އަހަރުން ފެށިގެން ކްރިމިނަލް ކޯޓުގައި ނުނިމި އޮތް އެ މައްސަލައިގެ ޝަރީޢަތް ކުރިއަށް ގެންދެވޭނެ މަގު ހުޅުވިގެން ދިޔައީއެވެ.
ލިޔުންތެރިޔާ
އަހުމަދު އާހިލް ސައީދު
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
