މާލެ އުތުރު ފަރާތު ޖެޓީތައް ތަރައްޤީކުރުމުގެ ޢަމަލީ މަސައްކަތް ފެށުމަށް ނިންމައިފި
ބަނދަރު ބޭނުންކުރާ ފަރާތްތަކަށް ދިމާވާ ދަތިތައް ޙައްލުކުރުމުގެ ގޮތުން، މާލެ އުތުރު ފަރާތު ބަނދަރުގެ ޖެޓީތައް ތަރައްޤީކުރުމުގެ ޢަމަލީ މަސައްކަތް ފެށުމަށް އިންފްރާސްޓްރަކްޗާ ވުޒާރާއިން ނިންމައިފިއެވެ.
އަހުމަދު އާހިލް ސައީދު
ބަނދަރު ބޭނުންކުރާ ފަރާތްތަކަށް ދިމާވާ ދަތިތައް ޙައްލުކުރުމުގެ ގޮތުން، މާލެ އުތުރު ފަރާތު ބަނދަރުގެ ޖެޓީތައް ތަރައްޤީކުރުމުގެ ޢަމަލީ މަސައްކަތް ފެށުމަށް އިންފްރާސްޓްރަކްޗާ ވުޒާރާއިން ނިންމައިފިއެވެ.
އެ ވުޒާރާއިން ބުނީ މި މަޝްރޫޢުގެ މަސައްކަތް ފެށުމަށްޓަކައި، މަސްވެރިންގެ ޕާކު ސަރަޙައްދުން ފެށިގެން ނާދީ ގޯޅިއާ ހަމައަށް އަޅާފައިވާ އުޅަނދުފަހަރު ނެގުމަށް އެ ސަރަޙައްދުގައި އުޅަނދު ގެންގުޅޭ ފަރާތްތަކަށް އަންގާފައިވާ ކަމަށެވެ. އެ ގޮތުން، އަންނަ ހުކުރު ދުވަހުގެ ރޭގަނޑު 11:00 ގެ ކުރިން އުޅަނދުތައް ނެގުމަށް ވަނީ މުހުލަތު ދީފައެވެ.
އެ މުހުލަތުގެ ފަހުން ނުނަގައި އޮންނަ އުޅަނދުފަހަރު، ވުޒާރާގެ ފަރާތުން ނަގާނެ ކަމަށް ވެސް ވަނީ އަންގައިފައެވެ.
މާލެ އުތުރު ފަރާތު ބަނދަރުގެ ޖެޓީތައް ވަނީ ވަރަށް ބޮޑަށް މަރާމާތަށް ބޭނުންވެފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
