ދުންފަތާ ދެކޮޅު ކެމްޕެއިނުގެ ޕްލޭން އެކުލަވައިލުމަށް ކަމާ ގުޅޭ ފަރާތްތަކާ މަޝްވަރާކޮށްފި
އެ ބައްދަލުވުން ފައްޓަވައިދެއްވައި ޞިއްޙަތާ އާއިލާއާއި އިޖުތިމާއީ އެހީއާ ބެހޭ ވަޒީރު ޤީލާ ޢަލީ ވިދާޅުވީ ދުންފަތާ ދެކޮޅަށް ސަރުކާރުން ކަނޑައަޅާ ކޮންމެ ލަނޑުދަނޑިއެއް ބިނާވަނީ ފުޅާ ދާއިރާއެއްގައި ފަންނީ ދިރާސާކޮށް ސާބިތު ހެއްކަށް ބެލުމަށް ފަހު ނަތީޖާ ނެރެވޭނެ ގޮތަށް ކަމަށެވެ. ވަޒީރު ފާހަގަކުރެއްވި ގޮތުގައި ދުންފަތުގެ ވަބާއާ ދެކޮޅަށް ކުރީގެ އެއްވެސް ސަރުކާރަކުން ނުދޭ މިންވަރަށް މި ސަރުކާރުން އިސްކަންދީ މުހިންމު ނިންމުންތައް ތަންފީޒުކުރަމުން އަންނަ ކަމަށެވެ.
ދުންފަތުގެ ވަބާއިން މުޖުތަމަޢު ރައްކާތެރިކުރުމަށް ސަރުކާރުން ފަށާފައިވާ "ދެން ހުއްޓާލަމާ" ކެމްޕެއިނުގެ ޢަމަލީ މަސައްކަތްތައް ރާވައި ބައްޓަންކުރުމާ ގުޅޭ ގޮތުން ކަމާ ބެހޭ އިދާރާތަކާއި ޖަމިއްޔާތަކާ އެކު ޞިއްޙީ ވުޒާރާއިން ބައްދަލުވުމެއް ބާއްވައިފިއެވެ.
އެ ބައްދަލުވުން ފައްޓަވައިދެއްވައި ޞިއްޙަތާ އާއިލާއާއި އިޖުތިމާއީ އެހީއާ ބެހޭ ވަޒީރު ޤީލާ ޢަލީ ވިދާޅުވީ ދުންފަތާ ދެކޮޅަށް ސަރުކާރުން ކަނޑައަޅާ ކޮންމެ ލަނޑުދަނޑިއެއް ބިނާވަނީ ފުޅާ ދާއިރާއެއްގައި ފަންނީ ދިރާސާކޮށް ސާބިތު ހެއްކަށް ބެލުމަށް ފަހު ނަތީޖާ ނެރެވޭނެ ގޮތަށް ކަމަށެވެ. ވަޒީރު ފާހަގަކުރެއްވި ގޮތުގައި ދުންފަތުގެ ވަބާއާ ދެކޮޅަށް ކުރީގެ އެއްވެސް ސަރުކާރަކުން ނުދޭ މިންވަރަށް މި ސަރުކާރުން އިސްކަންދީ މުހިންމު ނިންމުންތައް ތަންފީޒުކުރަމުން އަންނަ ކަމަށެވެ.
"ޖެނެރޭޝަނަލް ބޭން ކަނޑައެޅިއްޖެ ހުރިހާ ރަށްތަކުގައި ސިޒޭޝަންގެ ޚިދުމަތް ހިލޭ ލިބޭނެ ގޮތް ހަމަޖެއްސިއްޖެ އަދި މިކަންކަމުގައި މަދަނީ ޖަމްޢިއްޔާތަކުގެ ބައިވެރިވުން އިތުރުކުރަން ކަންކަން ދަނީ ކުރަމުން. ކޮންމެ ޤާނޫނީ އަދި އިދާރީ ނިންމުމެއް ނިންމަނީ ފުޅާ ދާއިރާއެއްގައި މަޝްވަރާކޮށް ފަންނީ ދިރާސާތަކާއި ސާބިތު ހެއްކަށް ބަލައި ނަތީޖާ ނެރެވޭގޮތަށް. އަދި ކުރިމަގުގައި އެކަން ދެމެހެއްޓޭނެގޮތަށް." ޞިއްޙީ ވަޒީރު ޤީލާ ޢަލީ ވިދާޅުވިއެވެ.
ވަޒީރު ހާމަކުރެއްވި ގޮތުގައި މިއީ ފަސް އަހަރުގެ ޤައުމީ ކެމްޕެއިނެއް ކަމަށާއި 27 ޖުލައިގައި އެ ކެމްޕެއިން އިފުތިތާޙުކޮށްފައިވާ ކަމަށެވެ. ކެމްޕެއިނުގެ ސިޔާސަތު ސަރުކާރުން ކަނޑައެޅި ނަމަވެސް ޢަމަލީ މަސައްކަތް ބައްޓަންކުރާނީ މިހާރު އެކުލަވައިލަމުން އަންނަ ޕްލޭނާ އެއްގޮތަށް ކަމަށް ވިދާޅުވިއެވެ.
ދުންފަތާ ދެކޮޅު މަސައްކަތުގައި މަދަނީ ޖަމިއްޔާތަކުގެ ދައުރު ފުޅާކުރުމުގެ ގޮތުން އެ ޖަމިއްޔާތަކަށް މާލީ އެހީ ފޯރުކޮށްދިނުމަށް ޞިއްޙީ ވުޒާރާއިން ހުޅުވައިލާފައިވާ އިރު އެ ދާއިރާގައި ހަރަކާތްތެރިވާ ފަރާތްތައް ޤައުމީ ފެންވަރުގައި ފާހަގަކުރުމަށް ވެސް ނިންމާފައިވެއެވެ. މި ބައްދަލުވުމުގައި ކަމާ ގުޅޭ ވުޒާރާތަކާއި ޞިއްޙީ ދާއިރާގެ ފަންނީ ބޭފުޅުންނާއި ތަޢުލީމީ ދާއިރާ އަދި ޖަމިއްޔާ ޖަމާޢަތްތަކުން ބައިވެރިވެފައިވާ އިރު ކެމްޕެއިނުގެ ޕްލޭން އެކުލަވައިލަމުން ގެންދަނީ ޔުނިސެފާއި ޑަބްލިއުއެޗްއޯ އަދި ކަމާ ގުޅޭ އެކި މުއައްސަސާތައް ގުޅިގެންނެވެ.
ލިޔުންތެރިޔާ
އަހުމަދު އާހިލް ސައީދު
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
