އޯޕެކް ފަންޑުން ކުއްލި ހާލަތްތަކަށް ޚާއްޞަ ކްރެޑިޓް ފެސިލިޓީއެއް ހޯދުމަށް މަޝްވަރާކޮށްފި
ދޯހާގައި ކުރިއަށްދާ އޭޝިއަން އިންފްރާސްޓްރަކްޗާ އިންވެސްޓްމަންޓް ބޭންކް (އޭއައިއައިބީ)ގެ 2026 ވަނަ އަހަރުގެ އަހަރީ ބައްދަލުވުމުގެ ހަވާސާގައި ފިނޭންސް މިނިސްޓަރު ޙަސަން ޒަރީރު، އޯޕެކް ފަންޑުގެ ރައީސް ޑރ. ޢަބްދުލްޙަމީދު އަލްޚަލީފާއާ ބައްދަލުކުރައްވައި ކުއްލި ހާލަތްތަކުގައި ބޭނުންކުރެވޭނެ ލައިން އޮފް ކ
އަހުމަދު އާހިލް ސައީދު
ދޯހާގައި ކުރިއަށްދާ އޭޝިއަން އިންފްރާސްޓްރަކްޗާ އިންވެސްޓްމަންޓް ބޭންކް (އޭއައިއައިބީ)ގެ 2026 ވަނަ އަހަރުގެ އަހަރީ ބައްދަލުވުމުގެ ހަވާސާގައި ފިނޭންސް މިނިސްޓަރު ޙަސަން ޒަރީރު، އޯޕެކް ފަންޑުގެ ރައީސް ޑރ. ޢަބްދުލްޙަމީދު އަލްޚަލީފާއާ ބައްދަލުކުރައްވައި ކުއްލި ހާލަތްތަކުގައި ބޭނުންކުރެވޭނެ ލައިން އޮފް ކްރެޑިޓް ފެސިލިޓީއެއް ޤާއިމުކުރުމާ ގުޅޭ ގޮތުން މަޝްވަރާކުރައްވައިފިއެވެ.
މާލީ ވުޒާރާއިން ހާމަކޮށްފައިވާ ގޮތުގައި، ކަންޓްރީ ޕާޓްނާޝިޕް ފްރޭމްވޯކް އެއްބަސްވުމުގެ ދަށުން ދެ ފަރާތް ގުޅިގެން މަސައްކަތްކުރެވިދާނެ ދާއިރާތަކާ ބެހޭ ގޮތުން އެ ބައްދަލުކުރެއްވުމުގައި ދެ ބޭފުޅުން ވާހަކަދެއްކެވި ކަމަށެވެ. އެ ގޮތުން ކުއްލި ހާލަތްތަކަށް ތައްޔާރަށް ތިބުމުގެ ގޮތުން ކްރެޑިޓް ފެސިލިޓީއެއް ޤާއިމުކުރުމުގެ މުހިންމުކަން ފާހަގަކުރެއްވި ކަމަށް ވެސް އެ ވުޒާރާއިން ބުނެފައިވެއެވެ.
މީގެ އިތުރުން ރާއްޖޭގެ ދެމެހެއްޓެނިވި ތަރައްޤީއަށް ބާރު އެޅުމުގެ ގޮތުން ފެނާއި ނަރުދަމާ އާއި ބަނދަރު ތަރައްޤީކުރުން ފަދަ ބޮޑެތި ދާއިރާތަކުން ކުރިއަށް އޮތް ތަނުގައި ގުޅިގެން މަސައްކަތްކުރުމާ ގުޅޭ ގޮތުން ވެސް އެ ބައްދަލުކުރެއްވުމުގައި މަޝްވަރާކުރެއްވި ކަމަށް އެ ވުޒާރާއިން ބުނެފައިވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
