މާލޭ ވިޔަފާރި ބަނދަރުން އަށް މިލިއަނަށްވުރެ ގިނަ ސިނގިރޭޓު ކަސްޓަމްސްއިން ހިފަހައްޓައިފި

ކަނޑުމަގުން ރާއްޖެ އެތެރެކުރަން މަސައްކަތްކުރި 8,527,480 ސިނގިރޭޓު ސްޓިކްސް މާލޭ ވިޔަފާރި ބަނދަރުގައި ހިންގި އޮޕަރޭޝަނެއްގައި ކަސްޓަމްސްއިން މިދިޔަ އާދީއްތަ ދުވަހު އަތުލައިގެންފިއެވެ.

ޖެނެރަލް ކާގޯގެ ގޮތުގައި ޑިކްލެއާކޮށްފައި އޮތް ޝިޕްމެންޓެއް ބަލައިފާސްކުރުމުގެ ތެރޭގައި މި ސިނގިރޭޓުތައް ފެނިފައިވާ ކަމަށް ކަސްޓަމްސްއިން ބުނެފައިވެއެވެ. އެ ތަކެތި މިހާރު ވަނީ ކަސްޓަމްސްގެ ބެލުމުގެ ދަށަށް ގެންގޮސްފައެވެ.

މި އޮޕަރޭޝަނާ ގާތްގަނޑަކަށް އެއް ދުވަސްވަރެއްގައި، މާލޭގައި ހަދަނިކޮށް މިދިޔަ އަހަރު އަތުލައިގެންފައިވާ ސިނގިރޭޓާއި ދުންފަތުގެ ބާވަތްތަކެއް ފުލުހުން ނައްތައިލައިފައިވެއެވެ. ފުލުހުން ބުނީ ނައްތައިލި ތަކެތީގެ ތެރޭގައި 4,285 ސިނގިރޭޓު ކާޓޫނާއި 232 ފޮށި ސިނގިރޭޓާއި 93.60 ކިލޯގެ ދުންފަތް ހިމެނޭ ކަމަށެވެ.