ހުޅުމާލޭ ފޭސް އެކެއްގައި 364 ފްލެޓު އަޅަން ކޮންކްރީޓް މަސައްކަތް ފަށައިފި
ބީއެމްއެލް އެފޯޑަބަލް ހޯމް ލީސިންގ ކުންފުނީގެ ބެލުމުގެ ދަށުން ހުޅުމާލޭ ފޭސް އެކެއްގައި އިމާރާތްކުރާ 364 ފްލެޓުގެ ކޮންކްރީޓް އެޅުމުގެ މަސައްކަތް މިއަދު ފަށައިފިއެވެ.
ބީއެމްއެލް އެފޯޑަބަލް ހޯމް ލީސިންގ ކުންފުނީގެ ބެލުމުގެ ދަށުން ހުޅުމާލޭ ފޭސް އެކެއްގައި އިމާރާތްކުރާ 364 ފްލެޓުގެ ކޮންކްރީޓް އެޅުމުގެ މަސައްކަތް މިއަދު ފަށައިފިއެވެ.
މި މަޝްރޫޢުގެ ޢަމަލީ މަސައްކަތް ހަވާލުކޮށްފައިވަނީ އަމީން ކޮންސްޓްރަކްޝަނާއެވެ. ބީއެމްއެލް އެފޯޑަބަލް ހޯމް ލީސިންގ އަކީ މަރުކަޒީ ބޭންކް އެމްއެމްއޭއިން އެކުލަވައިލާފައިވާ އިންކްލޫސިވް ނޭޝަނަލް އެފޯޑަބަލް ހައުސިން ސިޔާސަތުގެ މަޤުޞަދުތައް ޙާޞިލުކުރުމަށް ބީއެމްއެލްގެ ސަބްސިޑަރީ ކުންފުންޏެއްގެ ގޮތުގައި އުފައްދާފައިވާ ކުންފުންޏެކެވެ.
ބީއެމްއެލްއިން ބުނީ 364 ޔުނިޓުގެ ތެރެއިން 182 ޔުނިޓުގެ ފައުންޑޭޝަން ތައްޔާރުކޮށް ކޮންކްރީޓް އެޅުމުގެ މަސައްކަތް މިހާރު ކުރިއަށްދާ ކަމަށެވެ.
މާލޭ ސިޓީގައި މިވަގުތު 3،260 ހައުސިން ޔުނިޓު ޤާއިމުކުރުމުގެ ޢަމަލީ މަސައްކަތް ހިނގަމުންދާ ކަމަށާއި، އެ ހުރިހާ ޔުނިޓެއް 2028 ވަނަ އަހަރުގެ މެދުތެރެއަށް ނިންމައިލުމަކީ އަމާޒެއް ކަމަށް ވެސް އެ ކުންފުނިން ބުނެފައިވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
