ދެކުނު ޖަޕާނަށް 7.1 ގެ ބާރުގަދަ ބިންހެލުމެއް އައިސް ސުނާމީ އެލާޓް ނެރެފި

ދެކުނު ޖަޕާނަށް 7.1 ގެ ބާރުގަދަ ބިންހެލުމެއް އައިސް ސުނާމީ އެލާޓް ނެރެފިއެވެ.

މި އިންޒާރު ނެރެފައިވަނީ މިއަދުގެ ވަގުތެއްގައެވެ.

ޖަޕާނުގެ މީޓިއޮރޮލޮޖިކަލް އެޖެންސީން ހާމަކުރި ގޮތުގައި މި ބިންހެލުމުގެ ލޮޅުން ޖަޕާނުގެ ޝިންޑޯ މިންގަނޑުން އެންމެ މަތީ ދަރަޖަ ކަމަށްވާ ލެވެލް 7 ގައި ރެކޯޑް ކުރެވުނެވެ. ބިންހެލުމާ ގުޅިގެން 1 މީޓަރުގެ ސުނާމީ އިންޒާރެއް ނެރެފައިވާއިރު ގިނަ ޕްރިފެކްޗާތަކަށް ކުއްލި ނުރައްކަލުގެ އިންޒާރުވެސް ވަނީ ނެރެފައެވެ.

ޝިންޑޯ ސްކޭލްގެ ލެވެލް 7 އަކީ ޖަޕާނުގެ ބިންހެލުމުގެ ލޮޅުން މިންކުރާ މިންގަނޑުން އެންމެ ބާރުގަދަ ދަރަޖައެވެ.

މި ދަރަޖައިގެ ލޮޅުންތަކުގައި ޢިމާރާތްތަކަށް ބޮޑެތި ގެއްލުންވެ މީހުންނަށް ކޮޅަށް ހުރުން ދަތިވާ މިންވަރަށް ބިންގަނޑު ގުޑައެވެ.