ނޮވެންބަރު ތިނެއްގެ އެންމެ ބޮޑު އިބްރަތަކީ އަމިއްލަ ފައިމައްޗަށް ތެދުވުން: ދިފާއީ މިނިސްޓަރު
38 ވަނަ ނަސްރުގެ ދުވަހުގެ ރަސްމީ ޖަލްސާގައި ވާހަކަދައްކަވަމުން، އެއްވެސް ބާރެއްގެ ބަނޑުދޮށުގައި އޮތުމުގެ ބަދަލުގައި މަސައްކަތްކުރަންވީ އަމިއްލަ ފައިމައްޗަށް ތެދުވުމަށް ކަމަށް ދިފާއީ މިނިސްޓަރު ހަސަން ރަޝީދު ވިދާޅުވެއްޖެއެވެ.
38 ވަނަ ނަސްރުގެ ދުވަހުގެ ރަސްމީ ޖަލްސާގައި ވާހަކަދައްކަވަމުން، އެއްވެސް ބާރެއްގެ ބަނޑުދޮށުގައި އޮތުމުގެ ބަދަލުގައި މަސައްކަތްކުރަންވީ އަމިއްލަ ފައިމައްޗަށް ތެދުވުމަށް ކަމަށް ދިފާއީ މިނިސްޓަރު ހަސަން ރަޝީދު ވިދާޅުވެއްޖެއެވެ.
މިނިސްޓަރު ވިދާޅުވީ ނޮވެންބަރު ތިނެއްގެ ހާދިސާއިން ލިބޭ އެންމެ މުހިންމު ފިލާވަޅަކީ ޤައުމީ މަސްލަހަތު އިސްކުރުން ކަމަށެވެ. އަދި އެކަން ހާސިލުކުރެވޭނީ އަމިއްލަ ފައިމައްޗަށް ތެދުވެފައިވާ ޤައުމެއް ބިނާކުރެވިގެން ކަމަށް ވެސް ވިދާޅުވިއެވެ.
"އެއްވެސް ބާރެއްގެ ބަނޑުދޮށުގައި އޮތުމުގެ ބަދަލުގައި މަސައްކަތް ކުރާން ޖެހެނީ އަމިއްލަ ފައިމައްޗަށް ކޮޅަށް ތެދުވުމަށްކަން" ނަސްރުގެ ދުވަހުގެ އިބްރަތްތައް ހަނދާންކޮށްދެއްވަމުން މިނިސްޓަރު ވިދާޅުވިއެވެ.
މީގެ އިތުރުން މިނިސްޓަރު ފާހަގަކުރެއްވީ ރައީސް ޑރ. މުޙައްމަދު މުޢިއްޒުގެ ދިފާއީ ސިޔާސަތުގެ އަސާސަކީ ބޭރުގެ އެއްވެސް ފަރާތަކަށް ބަރޯސާނުވެ ދިވެހިން އަމިއްލައަށް ރާއްޖޭގެ މިނިވަންކަމާއި ސިޔާދަތު ދެމެހެއްޓުން ކަމަށެވެ. އެ ލަނޑުދަނޑި ހާސިލުކުރުމަށް ދިވެހި އަސްކަރިއްޔާގެ ޤާބިލުކަން އިތުރުކުރުމުގެ ގިނަ މަސައްކަތްތަކެއް މިހާތަނަށް ކުރެވިފައިވާ ކަމަށް ވެސް ވިދާޅުވިއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
