އިންޑޮނޭޝިޔާގެ ބިންހެލުމާ ގުޅިގެން ކޭ.އެސް ރިލީފުން ކުއްލި އެހީގެ ޕެކޭޖުތައް ބަހަން ފަށައިފި

އިންޑޮނޭޝިޔާގެ ފްލޮރެސް ސަރަޙައްދަށް އައި ބާރުގަދަ ބިންހެލުމުގައި ހާލުގައި ޖެހުނު ފަރާތްތަކަށް އެހީ ފޯރުކޮށްދިނުމުގެ ގޮތުން ސައުދީ ޢަރަބިއްޔާގެ ކިންގް ސަލްމާން ހިއުމެނިޓޭރިއަން އެއިޑް އެންޑް ރިލީފް ސެންޓަރު (ކޭ.އެސް ރިލީފް) އިން ކުއްލި އެހީގެ ފުރަތަމަ މަރުޙަލާ ރަސްމީކޮށް ފަށައިފިއެވެ.

މި މަސައްކަތް ކުރިއަށް ގެންދަނީ ކޭ.އެސް ރިލީފާއި އިންޑޮނޭޝިޔާގެ ޤައުމީ ޒަކާތު ބޯޑު (ބަޒްނާސް) ގުޅިގެންނެވެ. ސައުދީ ޕްރެސް އެޖެންސީ (އެސް.ޕީ.އޭ) އިން ރިޕޯޓުކޮށްފައިވާ ގޮތުގައި، ފުރަތަމަ ފިޔަވައްސެއްގެ ގޮތުގައި ބިންހެލުމުގެ އަސަރު ފޯރި ސަރަޙައްދުތަކަށް ކާބޯތަކެތީގެ 15،000 ޕެކޭޖާއި ސާފުތާހިރުކަމަށް ބޭނުންވާ ތަކެތީގެ 15،000 ކިޓް ބެހުމަށް ވަނީ ނިންމައިފައެވެ.

ކޭ.އެސް ރިލީފުން ލަފާކުރާ ގޮތުގައި މި އެހީގެ ޒަރީޢާއިން ކާރިސާގެ އަސަރު ފޯރި 75،000 އަށް ވުރެ ގިނަ ރައްޔިތުންނަށް ސީދާ ފައިދާ ލިބިގެންދާނެއެވެ. މި އެހީގެ މައިގަނޑު ބޭނުމަކީ ހާލުގައި ޖެހިފައިވާ ޢާއިލާތަކަށް ކާބޯތަކެއްޗާއި ޒަރޫރީ ސާމާނު ފޯރުކޮށްދީ، ކުރިމަތިވެފައިވާ ދަތިތަކަށް އަވަހަށް ލުޔެއް ހޯދައިދިނުމެވެ.