މުޅި ރާއްޖެއަށް އުދައިގެ އިންޒާރާއެކު ހުދު ސަމާލު ނެރެފި

މުޅި ރާއްޖެއަށް އުދައިގެ އިންޒާރާއެކު ހުދު ސަމާލު ނެރެފިއެވެ.

މޫސުމާ ބެހޭ ޤައުމީ އިދާރާއިން މިއަދު މުޅި ރާއްޖެއަށް ހުދު ސަމާލު ނެރެފައިވަނީ ދިޔަވަރު ބޮޑުވާ ގަޑިތަކުގައި އުދަ އެރުމުގެ ފުރުޞަތު އޮތުމުންނެވެ.

އުތުރުން ދެކުނަށް ހުރިހާ ސަރަޙައްދަކަށް މި ސަމާލު ނެރެފައިވަނީ މިއަދު 11:30 އިން 15:30 އާ ދެމެދުގެ ވަގުތަށެވެ. މެޓް އޮފީހުން ހާމަކުރި ގޮތުގައި ކަނޑުތައް ނިސްބަތުން މަޑު ނަމަވެސް ރާޅު ބާނީގެ އުސްމިން އިތުރުވާނެ ކަމަށް ބެލެވެއެވެ.

ދިޔަވަރު ބޮޑުވާ ވަގުތުތަކާ ދިމާކޮށް ރަށްތަކަށް އުދަ އެރުމުގެ ފުރުޞަތު ބޮޑުކަން ފާހަގަކޮށް ރައްޔިތުން މިކަމަށް ސަމާލުވުމަށް އެ އިދާރާއިން ވަނީ އިލްތިމާސްކޮށްފައެވެ.

މިދުވަސްވަރު ރާއްޖޭގެ ރަށްތަކަށް އުދަ އެރުމާ ގުޅިގެން ސަމާލުތައް ނެރެމުން ގެންދެއެވެ.