ގަދަ މޫސުމުގެ ސަބަބުން ކަނޑު ދަތުރުތަކުގައި ސަމާލުވުމަށް ކޯސްޓްގާޑު ގޮވާލައިފި
ވައިބާރުވެ ބޯކޮށް ވާރޭ ވެހޭނެ ކަމަށް ލަފާކުރާތީ، ކަނޑުމަތީގައި ދަތުރުކުރާ ފަރާތްތަކަށް މޫސުމަށް ސަމާލުވުމަށް ކޯސްޓްގާޑުން އެދިއްޖެއެވެ.
ވައިބާރުވެ ބޯކޮށް ވާރޭ ވެހޭނެ ކަމަށް ލަފާކުރާތީ، ކަނޑުމަތީގައި ދަތުރުކުރާ ފަރާތްތަކަށް މޫސުމަށް ސަމާލުވުމަށް ކޯސްޓްގާޑުން އެދިއްޖެއެވެ.
މޫސުމާ ބެހޭ ޤައުމީ އިދާރާގެ ލަފާކުރުމުގައިވާ ގޮތުން، ވައިބާރުވެ ކަނޑުތައް ގަދަވެ ބޯކޮށް ވާރޭ ވެހޭނެއެވެ. އެހެންކަމުން ދަތުރެއް ފަށާނަމަ، އެކަން އަންގަންޖެހޭ ފަރާތްތަކަށް އަންގާފައި އެކަނި ފުރުމަށް އެދިފައިވެއެވެ.
ފުރުމުގެ ކުރިން އުޅަނދުގައިވާ ލައިފްޖެކެޓާއި، މުވާސަލާތީ ނިޒާމާއި، ދިޔަހިއްކާ ޕަންޕު ފަދަ ސާމާނު ރަނގަޅު ހާލަތުގައި ހުރިތޯ ބަލައި ޔަގީންކުރުމަށް ވެސް ގޮވާލާފައިވެއެވެ. ދަތުރުކުރާ ހިނދު ލައިފްޖެކެޓް އަޅައިގެން، އިތުރު ސަމާލުކަމާއެކު އުޅުމަށް ވެސް އެދިފައިވެއެވެ.
މުދާ އުފުލާ އުޅަނދުފަހަރަށް ޚާއްޞަކޮށް ބުނެފައިވަނީ، އެ އުޅަނދަކަށް އުފުލޭ މިންވަރަށްވުރެ ގިނައިން މުދާ ނުއެރުވުމަށާއި، މުދާ ރަނގަޅަށް ލައިސަންލައިގެން ބެހެއްޓުމަށެވެ.
ޑައިވިންގާއި ވޯޓަރ ސްޕޯޓްސް ހަރަކާތްތައް ހިންގާ ފަރާތްތަކަށް ވެސް މޫސުމަށް ޚާއްޞަ ސަމާލުކަން ދިނުމަށް އެދިފައިވެއެވެ. އަދި މޫސުމާ ބެހޭ ޤައުމީ އިދާރާއިން ރީނދޫ ނުވަތަ އޮރެންޖު ސަމާލު ނެރެފައިވާ ދުވަސްވަރު ކަނޑު ދަތުރު ނުކުރުމަށް ވެސް ގޮވާލާފައިވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
