ޗައިނާ ސަފީރު މިނިވަން ދުވަހުގެ ތަހުނިޔާ ރާއްޖެއަށް ފޮނުއްވައިފި
China safeeru minivan dhuvahuge thahuniyaa rajje ah fonuvaifi
Ahmed Aahil Saeed
26 July 2026
ޗައިނާއިން ރާއްޖެއަށް ގިނަ އަދަދެއްގެ ކުޅިވަރު ސާމާނު ހަދިޔާކުރުން --
ރާއްޖޭގެ 61 ވަނަ މިނިވަން ދުވަހާ ގުޅިގެން ޗައިނާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު ކޮންގް ޝިއާންހުއާ ދިވެހި ސަރުކާރާއި ރައްޔިތުންނަށް ހޫނު ތަހުނިޔާގެ މެސެޖެއް ފޮނުއްވައިފި.
އެކްސްގައި ޝާއިޢުކުރެއްވި މެސެޖުގައި ސަފީރު ވިދާޅުވީ މިނިވަންކަމުގެ ރޫޙުން ދިވެހި ރައްޔިތުންނަށް ޤައުމީ ތަރައްޤީގެ ލަނޑުދަނޑިތައް ހާސިލުކޮށް އުޖާލާ މުސްތަޤުބަލެއް ބިނާކުރުމަށް ހިތްވަރު ލިބެމުންދާނެ ކަމަށް އުންމީދުކުރައްވާ ކަމަށެވެ.
ދެ ޤައުމުގެ ގުޅުމާ ބެހޭ ގޮތުން ސަފީރު ވިދާޅުވީ ޗައިނާ-ރާއްޖެ ކޮމްޕްރިހެންސިވް ސްޓްރެޓީޖިކް ކޯޕަރޭޓިވް ޕާޓްނަރޝިޕް އިތުރަށް ކުރިއެރުވައި ދެ ޤައުމުގެ ރައްޔިތުންނަށް އިތުރު ފައިދާ ހޯދައިދިނުމަށް ޗައިނާ ތައްޔާރަށް އޮތް ކަމަށެވެ.
ޗައިނާ ސަފީރުގެ މި ތަހުނިޔާގެ މެސެޖު އައިސްފައި މިވަނީ ރާއްޖޭގެ މިނިވަން ދުވަސް ފާހަގަކުރަމުންދާ ދަނޑިވަޅެއްގައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
