ރާއްޖެ ޒިޔާރަތްކުރި ފަތުރުވެރިންގެ 73 އިންސައްތަ ތިބީ ރިސޯޓުތަކުގައި

މި އަހަރު މިހާތަނަށް ރާއްޖެ އައި 1.2 މިލިޔަން ފަތުރުވެރިންގެ ތެރެއިން ގާތްގަނޑަކަށް 9 ލައްކަ ފަތުރުވެރިން ޗުއްޓީ ހޭދަކުރީ ރިސޯޓުތަކުގައި ކަމަށް ފަތުރުވެރިކަމާ ބެހޭ ވުޒާރާގެ ތަފާސްހިސާބުތަކުން ހާމަވެއްޖެއެވެ.

ވުޒާރާއިން އެންމެ ފަހުން ޢާންމުކުރި ހިސާބުތައް ދައްކާ ގޮތުން ރިސޯޓުތަކުގައި ތިބި ފަތުރުވެރިންގެ ޖުމުލަ ޢަދަދަކީ 727709 އެވެ. މިއީ ރާއްޖެ ޒިޔާރަތްކުރި ޖުމުލަ ފަތުރުވެރިންގެ 73 އިންސައްތައެވެ.

މީގެ އިތުރުން ކޮންމެ ދުވަހަކު އެވެރެޖްކޮށް 5924 ފަތުރުވެރިން ރާއްޖެ އާދެއެވެ.

ފަތުރުވެރިންނަށް ޚިދުމަތް ދިނުމަށް މިހާރު 179 ރިސޯޓެއް ހިންގަމުން އަންނައިރު ރާއްޖޭގައި ފަތުރުވެރިންނަށް ލިބެން ހުރި ޖުމުލަ އެނދުގެ 67 އިންސައްތައަކީ ރިސޯޓުތަކުގެ އެނދުތައް ކަމަށް އެ ތަފާސްހިސާބުތަކުން ދައްކައެވެ.

ވެލާނާ އިންޓަނޭޝަނަލް އެއާރޕޯޓުގެ އާ ޓާމިނަލް ހުޅުވިފަހުން ރާއްޖެ ޒިޔާރަތްކުރާ ފަތުރުވެރިންގެ އަދަދު އިތުރުވެފައިވާކަން ފާހަގަކުރެވެއެވެ.