އީރާނާއެކު މަޝްވަރާ ކާމިޔާބު ނުވެއްޖެ ނަމަ އަސްކަރީ ފިޔަވަޅު އަޅާނެ ކަމުގެ އިންޒާރު ޓްރަމްޕް ދީފި
އެކްސިއޮސްއަށް ދެއްވި ބަސްދީގަތުމެއްގައި ޓްރަމްޕް ވިދާޅުވީ "މަޝްވަރާތައް ކާމިޔާބު ނުވެއްޖެ ނަމަ ވަރަށް ވަރުގަދަ އަސްކަރީ ފިޔަވަޅުތަކަކަށް އެނބުރި ދާނެ" ކަމަށެވެ. ހުކުރު ދުވަހު ރާވައިފައި ހުރި ހަމަލާތައް ހުއްޓަވައިލެއްވީ މެދުވެރިންގެ ގޮތުގައި ހަރަކާތްތެރިވާ ޤައުމުތަކުގެ އެދުމުގެ މަތިން ކަމަށް އޭނާ ހާމަކުރެއްވިއެވެ.
އަހުމަދު އާހިލް ސައީދު
އެމެރިކާގެ ރައީސް ޓްރަމްޕް މިއަދު ވިދާޅުވީ އީރާނާ އެކު ވަރަށް ފުން މަޝްވަރާތަކެއް ކުރިއަށްދާ ކަމަށާއި ނަތީޖާ ނުފެނިއްޖެ ހާލަތެއްގައި ވަރުގަދަ އަސްކަރީ ފިޔަވަޅުތަކެއް އެޅުއްވުމަށް ތައްޔާރަށް ހުންނެވި ކަމަށެވެ.
އެކްސިއޮސްއަށް ދެއްވި ބަސްދީގަތުމެއްގައި ޓްރަމްޕް ވިދާޅުވީ "މަޝްވަރާތައް ކާމިޔާބު ނުވެއްޖެ ނަމަ ވަރަށް ވަރުގަދަ އަސްކަރީ ފިޔަވަޅުތަކަކަށް އެނބުރި ދާނެ" ކަމަށެވެ. ހުކުރު ދުވަހު ރާވައިފައި ހުރި ހަމަލާތައް ހުއްޓަވައިލެއްވީ މެދުވެރިންގެ ގޮތުގައި ހަރަކާތްތެރިވާ ޤައުމުތަކުގެ އެދުމުގެ މަތިން ކަމަށް އޭނާ ހާމަކުރެއްވިއެވެ.
"އީރާނާ ގުޅުންހުރި ހުރިހާ ފަރާތްތަކުން އަޅުގަނޑުގެ ކިބައިން އެދުނީ ހަމަލާ ނުދިނުމަށް" ޓްރަމްޕް ވިދާޅުވިއެވެ.
ޑިޕްލޮމެސީއަށް ދޭން ޤަސްދުކުރައްވާ ވަގުތާ ގުޅޭ ގޮތުން ސުވާލުކުރުމުން ޓްރަމްޕް ވިދާޅުވީ "މާ ގިނަ ވަގުތެއް ނެތް. އަވަހަށް ނިމެންޖެހޭނެ ނޫނީ އެއްގޮތަކަށް ވެސް ނުވާނެ" ކަމަށެވެ.
މިކަމުން ދައްކުވައިދެނީ އެމެރިކާ-އީރާން މައްސަލައިގައި ޑިޕްލޮމެސީގެ ފުރުސަތު ވަރަށް ކުޑަ ކަމާއި ނަތީޖާ ނެރެން ވަރަށް ކުރު މުއްދަތެއް އޮތް ކަމެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
