ޣައްޒާގެ ހަތިޔާރު ބެހެއްޓުމުގެ އެއްބަސްވުމަށް ޔޫއޭއީން މަރުޙަބާ ކިޔައިފި
ޓްރަމްޕްގެ 20 ނުކުތާގެ ޞުލްޙައިގެ ޕްލޭނުގެ ދަށުން ޣައްޒާ ބޯޑް އޮފް ޕީސް މެދުވެރިކޮށް ޙާޞިލުކުރެވުނު މި އެއްބަސްވުމުގައި ޙަމާސް ޖަމާޢަތާއި ޣައްޒާގެ އެހެން ހަތިޔާރުއެޅި ގުރޫޕްތައް ހަތިޔާރު ބެހެއްޓުން ހިމެނެއެވެ. ޔޫއޭއީން ސިފަކުރި ގޮތުގައި މިއީ ހަމަނުޖެހުން ނިމުމަކަށް ގެނައުމަށް އެޅުނު ވަރަށް މުހިންމު ފިޔަވަޅެކެވެ.
އަހުމަދު އާހިލް ސައީދު
ޣައްޒާގައި ހަރަކާތްތެރިވާ ހަތިޔާރުއެޅި ޖަމާޢަތްތަކުގެ ހަތިޔާރު ބެހެއްޓުމާ ގުޅޭ ގޮތުން އެމެރިކާގެ ރައީސް ޑޮނަލްޑް ޓްރަމްޕް އިޢުލާނުކުރެއްވި އެއްބަސްވުމަށް ޔުނައިޓެޑް ޢަރަބް އެމިރޭޓްސް (ޔޫއޭއީ) އިން މިއަދު މަރުޙަބާ ކިޔައިފިއެވެ.
ޓްރަމްޕްގެ 20 ނުކުތާގެ ޞުލްޙައިގެ ޕްލޭނުގެ ދަށުން ޣައްޒާ ބޯޑް އޮފް ޕީސް މެދުވެރިކޮށް ޙާޞިލުކުރެވުނު މި އެއްބަސްވުމުގައި ޙަމާސް ޖަމާޢަތާއި ޣައްޒާގެ އެހެން ހަތިޔާރުއެޅި ގުރޫޕްތައް ހަތިޔާރު ބެހެއްޓުން ހިމެނެއެވެ. ޔޫއޭއީން ސިފަކުރި ގޮތުގައި މިއީ ހަމަނުޖެހުން ނިމުމަކަށް ގެނައުމަށް އެޅުނު ވަރަށް މުހިންމު ފިޔަވަޅެކެވެ.
ޔޫއޭއީގެ ޚާރިޖީ ވުޒާރާއިން ވޮމް ނިއުސް އެޖެންސީ މެދުވެރިކޮށް ނެރުނު ބަޔާނުގައި ބުނެފައިވާ ގޮތުގައި މި އެއްބަސްވުމަކީ "ހަމަނުޖެހުން ނިމުމަކަށް ގެނެސް ސަލާމަތީ ހަމަޖެހުން ވަރުގަދަކޮށް ދެމެހެއްޓެނިވި ޞުލްޙައަކާ ދިމާލަށް ސިޔާސީ މަގެއް ހުޅުވައިދިނުމަށް ބޭނުންވާ ޙާލަތު އުފެއްދުމަށް އެޅުނު މުހިންމު ފިޔަވަޅެއް" ކަމަށެވެ.
މި އެއްބަސްވުމުގައި މަރުޙަލާތަކަކަށް ބަހާލައިގެން ހަތިޔާރު ބެހެއްޓުމާއި އެއާ އެކީ އިސްރާއީލް ސިފައިން ފޭބުމާއި ބައިނަލްއަޤުވާމީ ސްޓެބިލައިޒޭޝަން ފޯހަކާއި ފަލަސްޠީނުގެ އައު ފުލުހުންގެ ފޯހެއް ރުކުރުވައިލުން ހިމެނޭ ކަމަށް ޔޫއޭއީގެ ޚާރިޖީ ވުޒާރާގެ ބަޔާނުގައި ފާހަގަކޮށްފައިވެއެވެ. އެ ވުޒާރާއިން އުންމީދުކުރާ ގޮތުގައި މި ފިޔަވަޅުތަކުގެ ސަބަބުން "ސަލާމަތީ ހަމަޖެހުން ޤާއިމުކޮށް ޢާންމު ރައްޔިތުންގެ ތަކުލީފުތައް ނިމުމަކަށް ގެނެސް އާރާސްތުކުރުމަށް ބޭނުންވާ މާޙައުލު ޤާއިމުކުރެވޭނެ" އެވެ.
މި އެއްބަސްވުން ތަންފީޒުކުރެވޭ ނަމަ ޣައްޒާގައި ދިގުދެމިގެން ގޮސްފައިވާ ހަމަނުޖެހުމަށް ޙައްލެއް ލިބުމުގެ މަގު ފެނިގެންދާނެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
