ދުނިޔެ
ދުނިޔެ
އީރާން ހަނގުރާމައަށްފަހު ނަތަންޔާހޫ ފުރަތަމަ ފަހަރަށް ޓްރަމްޕާ ބައްދަލުކުރައްވަން ވޮޝިންޓަނަށް
މި ދަތުރަށް ފެއްޓެވުމުގެ ކުރިން ހޯމަ ދުވަހު ނަތަންޔާހޫ ވިދާޅުވީ "މިއީ ބޮޑު ޝަރަފެއް އެކަމަކު ބޮޑު ޒިންމާއެއް ވެސް މެ" ކަމަށެވެ. އެ މަނިކުފާނު އިތުރަށް ވިދާޅުވީ "އެޖެންޑާގައި ހުރި ހުރިހާ މައްސަލަތަކެއް ޚާއްޞަކޮށް އީރާނުގެ މައްސަލަ މަޝްވަރާ ކުރައްވާނެ" ކަމަށާއި "ސަލާމަތީ ކަންކަން ކަށަވަރުކޮށް ސުލްހައިގެ ދާއިރާ ފުޅާކުރެއްވުމަކީ އަމާޒެއް" ކަމަށެވެ.
28 July 2026
ދެކުނު ޖަޕާނަށް 7.1 ގެ ބާރުގަދަ ބިންހެލުމެއް އައިސް ސުނާމީ އެލާޓް ނެރެފި
ޖަޕާނުގެ މީޓިއޮރޮލޮޖިކަލް އެޖެންސީން ހާމަކުރި ގޮތުގައި މި ބިންހެލުމުގެ ލޮޅުން ޖަޕާނުގެ ޝިންޑޯ މިންގަނޑުން އެންމެ މަތީ ދަރަޖަ ކަމަށްވާ ލެވެލް 7 ގައި ރެކޯޑް ކުރެވުނެވެ. ބިންހެލުމާ ގުޅިގެން 1 މީޓަރުގެ ސުނާމީ އިންޒާރެއް ނެރެފައިވާއިރު ގިނަ ޕްރިފެކްޗާތަކަށް ކުއްލި ނުރައްކަލުގެ އިންޒާރުވެސް ވަނީ ނެރެފައެވެ.
28 July 2026
ޢިރާޤުގެ ހަނގުރާމަވެރި ޖަމާޢަތުން ސަޢޫދީއަށް ޑްރޯން ހަމަލާ ދިން ކަމަށް ދޮގުކޮށްފި
އީރާނާ ގުޅިފައިވާ ޖަމާޢަތްތަކުގެ މި ނެޓްވޯކުން ނެރުނު ބަޔާނެއްގައި ބުނީ މި ތުހުމަތުން އެނގެނީ ޢިރާޤާއި ޢިރާޤު ރައްޔިތުންނާ ދެކޮޅުވެރިވުމަކީ ސަޢޫދީ ނިޒާމުގެ ޠަބީޢީ ސިފައެއް ކަމެވެ.
28 July 2026
ޖެނުއަރީ މުޒާހަރާތަކުގައި ފުލުހުން މެރި މައްސަލައިގައި އީރާނުން ދެ މީހަކު ދަންޖައްސައިފި
ފާރސް ނޫސް އެޖެންސީ ރިޕޯޓުކޮށްފައިވާ ގޮތުގައި ޖެނުއަރީ 18 ވަނަ ދުވަހު އިސްފަހާނުގެ ޝަހީދު ޢަލީޚާނީ ސްކޮޔަރގައި ކުރި މުޒާހަރާގެ ތެރޭގައި އެ ދެ މީހުން ވަނީ ފުލުހުން ސައިންޕޯސްޓެއްގައި ވާގަނޑުން ބަނދެ ގައުން ޖެހުމަށްފަހު ގައިގައި ޕެޓްރޯލް ޖަހައި އަލިފާން ރޯކޮށްފައެވެ. އެ ފުލުހުން ދިރިތިއްބައި ބިންމައްޗަށް ދަމާ ގެންގޮސް ވަޅިންނާއި މެޗެޓީ )ފެލި ވައްތަރުގެ ބޮޑު ވަޅި( އިން ހަށިގަނޑަށް ގިނަ ހަމަލާތަކެއް ދީފައިވާ ކަމަށްވެސް ފާރސް ބުންޏެވެ.
28 July 2026
ހޮރްމުޒް ކަނޑުއޮޅީގެ ސަލާމަތާ ގުޅޭ ގޮތުން އީރާނުން ސަޢޫދީ އާއި ޢުމާނާ މަޝްވަރާކޮށްފި
އީރާނުގެ ރަސްމީ ނޫސް އެޖެންސީ އައި.އާރް.އެން.އޭ ރިޕޯޓުކުރި ގޮތުގައި އަރާޣްޗީ ފޯނުން ގުޅުއްވީ ޢުމާނުގެ ޚާރިޖީ ވަޒީރު ބަދުރު އަލްބޫސަޢީދީ އާއި ސަޢޫދީ ޢަރަބިއްޔާގެ ޚާރިޖީ ވަޒީރު އަމީރު ފައިޞަލް ބިން ފަރްޙާން އާލް ސަޢޫދަށެވެ.
28 July 2026
ސަޢޫދީ ޢަރަބިއްޔާއަށް ދިން ޑްރޯން ހަމަލާތައް ޖީސީސީ އާއި މިޞްރުން ކުށްވެރިކޮށްފި
ޖީސީސީން ނެރުނު ބަޔާނެއްގައި އެ ޖަމާޢަތުގެ ސެކްރެޓަރީ ޖެނެރަލް ޖާސިމް މުޙައްމަދު އަލްބުދައިވީ ވަނީ މި ހަމަލާތައް ސިފަކުރައްވާފައި ވަނީ "ނުރައްކާތެރި އެސްކެލޭޝަނެއް" ގެ ގޮތުގައި ކަމަށާއި މިއީ "ސަރަޙައްދުގެ ސަލާމަތާއި ހަމަޖެހުމަށް ކުރިމަތިވި ސީދާ ނުރައްކަލެއް" ކަމަށް ބަޔާންކުރައްވައިފައެވެ.
28 July 2026
އެމެރިކާ-އީރާން ހަނގުރާމަ ހުއްޓާލުމަށް ބާރުއެޅުމަށް އުރުދުންއާ އދ. ގުޅިއްޖެ
މި ބައްދަލުވުމުގައި ސަރަޙައްދީ ނުރައްކާތެރި ހާލަތާ ގުޅިގެން ކުރިމަތިވެފައިވާ ނަތީޖާތަކާއި ހަމަޖެހުމާއި ދެމެހެއްޓެނިވި ސަލާމަތީ ބެލެހެއްޓުން ޤާއިމުކުރުމަށް ކުރެވޭ މަސައްކަތްތަކާ ބެހޭ ގޮތުން ދެ ބޭފުޅުން މަޝްވަރާކުރެއްވިއެވެ. އުރުދުންގެ ބަޔާނެއްގައި ބުނެފައިވާ ގޮތުން ނުތަނަވަސްކަމުގެ ހުރިހާ ސަބަބުތަކަށް ޙައްލެއް ހޯދައި ބައިނަލްއަޤުވާމީ ޤާނޫނާ އެއްގޮތަށް ހުރުމުޒް ކަނޑުއޮޅިން ދަތުރުފަތުރުގެ މިނިވަންކަން ކަށަވަރުކުރެވޭ ފުރިހަމަ ޙައްލެއް ހޯދުމަށް ވާހަކަތައް އަލުން ފެށުމުގެ މުހިންމުކަންވެސް ދެ ބޭފުޅުން ފާހަގަކުރެއްވިއެވެ.
28 July 2026
އެމެރިކާ-އީރާން ހަނގުރާމަ ހީކުރިވަރަށްވުރެ އުނދަގޫ ކަމަށް ގިނަ އެމެރިކާ ރައްޔިތުން ދެކޭ
ސީބީއެސް ނިއުސްއާއި ޔޫގަވް ގުޅިގެން ޖުލައި 22 އާއި 24 އާ ދެމެދު ކުރިއަށް ގެންދިޔަ މި ސާވޭގައި ބައިވެރިވި މީހުންގެ ތެރެއިން 20 އިންސައްތަ މީހުން ބުނީ ހަނގުރާމަ ކުރިއަށް ދަނީ ކުރިން ހީކުރި ގޮތަށް ކަމަށެވެ.
27 July 2026
ޔޫއޭއީގެ އިރުމަތީ ސަރަޙައްދުތަކަށް ގަނޑުފެނާއެކު ބޯ ވާރޭ ވެހެނީ
ފުޖައިރާ ޚޯރު ފައްކާން އަދި ރައްސުލްޚައިމާގެ ސަރަޙައްދުތަކަށް މި ސަމާލުތައް ނެރެފައިވާ އިރު ބޭރަށް ނުކުންނަ ފަރާތްތަކުން ރައްކާތެރިކަމުގެ ފިޔަވަޅު އެޅުމަށް ކަމާ ބެހޭ ފަރާތްތަކުން ވަނީ އިލްތިމާސްކޮށްފައެވެ. ވިއްސާރައިގެ ސަބަބުން ނުރައްކާތެރި މޫސުމީ ހާދިސާތައް ހިނގުން އެކަށީގެންވާ ކަމަށް އެންސީއެމް އިން ވަނީ އިންޒާރުދީފައެވެ.
27 July 2026
އީރާނާއެކު މަޝްވަރާ ކާމިޔާބު ނުވެއްޖެ ނަމަ އަސްކަރީ ފިޔަވަޅު އަޅާނެ ކަމުގެ އިންޒާރު ޓްރަމްޕް ދީފި
އެކްސިއޮސްއަށް ދެއްވި ބަސްދީގަތުމެއްގައި ޓްރަމްޕް ވިދާޅުވީ "މަޝްވަރާތައް ކާމިޔާބު ނުވެއްޖެ ނަމަ ވަރަށް ވަރުގަދަ އަސްކަރީ ފިޔަވަޅުތަކަކަށް އެނބުރި ދާނެ" ކަމަށެވެ. ހުކުރު ދުވަހު ރާވައިފައި ހުރި ހަމަލާތައް ހުއްޓަވައިލެއްވީ މެދުވެރިންގެ ގޮތުގައި ހަރަކާތްތެރިވާ ޤައުމުތަކުގެ އެދުމުގެ މަތިން ކަމަށް އޭނާ ހާމަކުރެއްވިއެވެ.
27 July 2026
ޖަރުމަނުން އިސްރާއީލަށް ރެކޯޑް އަދަދަކަށް ހަތިޔާރު ވިއްކުމަށް ހުއްދަ ދީފި
މި އަދަދަކީ އޭގެ ކުރީގެ 20 މަސް ދުވަހު ޖުމްލަ ދެވުނު ހުއްދަތަކަށް ވުރެ ވެސް ބޮޑު އަދަދެކެވެ.
27 July 2026
ކެސްޕިއަން ކަނޑުގެ ހާދިސާއާ ގުޅިގެން އީރާނަކީ "ޝިކާރައެއް" ނޫން ކަމަށް ޔޫކްރެއިނުން ބުނެފި
ސީބީހާ ވިދާޅުވީ ޔޫކްރެއިނާ ދެކޮޅަށް ރަޝިޔާ ކުރަމުންދާ ހަނގުރާމައިގައި ތެހެރާނުން ހަތިޔާރު ފޯރުކޮށްދީ ސީދާ ބައިވެރިވެފައިވާ ކަމަށެވެ. އެކްސްގައި ކުރެއްވި ޕޯސްޓެއްގައި ސީބީހާ ވިދާޅުވީ "ތެހެރާނުގެ ވެރިކަމަކީ ޔޫކްރެއިނާ ދެކޮޅު ރަޝިޔާގެ ޢުދުވާނުގެ ސީދާ ބައިވެރިއެއް ކަމަށާއި 2022 ވަނަ އަހަރުން ފެށިގެން ޔޫކްރެއިން ރައްޔިތުން މަރަމުންދާ ހަތިޔާރު މޮސްކޯއަށް ފޯރުކޮށްދީގެން ރަޝިޔާގެ ޖަރީމާ ހަނގުރާމައަށް ތެޔޮ އަޅަމުންދާ" ކަމަށެވެ.
27 July 2026
އިސްރާއީލުގެ ދެ ރައްޔިތަކު ޣައިރުޤާނޫނީ ގޮތެއްގައި ސީރިއާއަށް ހުރަސްކޮށްފި
އަސްކަރިއްޔާއިން ބުނީ ސިފައިން އެ ސަރަޙައްދަށް ގޮސް އެ ދެ މީހުން ހޯދައި އަނބުރާ ޤައުމަށް ގެނެސް ހައްޔަރުކޮށްފައިވާ ކަމަށެވެ. އެއަށްފަހު ދެ މީހުން ވަނީ އިތުރު ތަޙުޤީޤަށް ފުލުހުންނާ ހަވާލުކޮށްފައެވެ.
27 July 2026
ޙޫޘީން ސަޢޫދީގެ ތެޔޮ އިންފްރާސްޓްރަކްޗަރަށް ޑްރޯން ޙަމަލާ ދީފި
އީރާނާ ގުޅުން އޮންނަ ޙޫޘީ ޖަމާޢަތުގެ އަސްކަރީ ތަރުޖަމާނު ޔަޙްޔާ ސަރީޢް ވިދާޅުވީ ޔަމަނުގެ ވައިގެ ސަރަޙައްދަށް ސަޢޫދީގެ ޑްރޯންތައް ވަތް ކަމަށް ބުނެ އެކަމުގެ ރައްދެއްގެ ގޮތުގައި މި ޙަމަލާ ދިން ކަމަށެވެ.
27 July 2026
ލުބުނާނުގެ ރައީސް ޔޫއޭއީއަށް ޝުކުރު އަދާކުރައްވައި ގަލްފަށް ދެވޭ ހަމަލާތައް ކުށްވެރިކުރައްވައިފި
ޔޫއޭއީގެ ފެޑެރަލް ނެޝަނަލް ކައުންސިލްގެ ރައީސް ސަޤުރު ޣޮބާޝްއާ ބައްދަލުކުރައްވައި ޢައުން ވިދާޅުވީ "ހުރިހާ ދާއިރާއަކުން" ޔޫއޭއީން ފޯރުކޮށްދޭ އެއްބާރުލުމަށް ޝުކުރުވެރިވެވަޑައިގަންނަވާ ކަމަށެވެ.
27 July 2026
ޣައްޒާގެ މެދުތެރެއަށް އިސްރާއީލުން ދިން ހަމަލާގައި ފަލަސްޠީނު މީހަކު ޝަހީދުވެއްޖެ
ޣައްޒާގެ ޞިއްޙީ އިދާރާތަކުން ހާމަކުރާ ގޮތުގައި ޣައްޒާއާ ދެކޮޅަށް އިސްރާއީލުން ކުރިއަށް ގެންދާ ޤަތުލުޢާންމުގައި މިހާތަނަށް މަދުވެގެން 73329 ފަލަސްޠީނު ރައްޔިތުން ވަނީ ޝަހީދުކޮށްލާފައެވެ. އޭގެ ތެރޭގައި 2025 ވަނަ އަހަރުގެ އޮކްޓޫބަރުގައި އިޢުލާނުކުރި "ހަނގުރާމަ ހުއްޓާލުމު"ގެ ފަހުން ޝަހީދުކޮށްލެވުނު 1203 އަށް ވުރެ ގިނަ މީހުން ހިމެނެއެވެ.
27 July 2026
ފަރަންސޭސި ޑިޕްލޮމެޓުން ހައްޔަރުކުރި މައްސަލައިގައި އީރާނުން ފަރަންސޭސި ސަފީރު ހާޒިރުކޮށްފި
އީރާނުގެ ޚާރިޖީ ވުޒާރާގެ ތަރުޖަމާނު އިސްމާޢީލް ބަޣާއީ ވިދާޅުވި ގޮތުގައި އެ ދެ ޑިޕްލޮމެޓުން ހިންގީ "މަދަނީ މުޖުތަމަޢާ ގުޅުން ބެހެއްޓުމުގެ ނަމުގައި" ކުރި ކަންތައްތަކެކެވެ. ޖުލައި 19 ވަނަ ދުވަހު އެ ދެ ޑިޕްލޮމެޓުން ހައްޔަރުކޮށް ގިނަ ގަޑިއިރުތަކެއް ވަންދެން ސުވާލުކުރުމަށްފަހު އެމީހުން އެނބުރި އެމްބަސީއަށް ދިޔުމުގެ ހުއްދަ ދިނެވެ.
27 July 2026
އިންޑިއާގެ ތަޢުލީމީ ވަޒީރު އިސްތިޢުފާ ދެއްވުމުން ފަސް ހަފުތާގެ މުޒާހަރާ ނިމުމަކަށް
"ކޮކްރޯޗް ޖަންތާ ޕާޓީ" )ސީޖޭޕީ( ގެ ނަމުގައި ހިންގި މި ހަރަކާތަކީ ސިޔާސީ ޕާޓީއެއް ނޫން ނަމަވެސް އެއައި އިން އުފައްދާފައިވާ "ކޮކްރޯޗް" މެސްކޮޓަކާ އެކު އިންސްޓަގްރާމުގައި 26 މިލިއަން ފޮލޯވަރުން ހޯދައި ޒުވާނުންގެ ކަންބޮޑުވުންތައް ފާޅުކުރާ ބާރުގަދަ ޕްލެޓްފޯމަކަށް ވެފައިވާ އޮންލައިން ހަރަކާތެކެވެ. ދިއްލީގެ ޖަންތަރް މަންތަރުގައި ކުރިއަށް ދިޔަ މި އިޙްތިޖާޖުގައި ބައިވެރިން އެދެމުން ދިޔައީ ތަޢުލީމީ ނިޒާމު އިޞްލާޙުކުރުމަށާއި އިމްތިޙާނު ޕޭޕަރު ލީކުވާ މައްސަލައިގައި ޖަވާބުދާރީ ކުރުވުމަށާއި ތަޢުލީމީ ވަޒީރު އިސްތިޢުފާ ދެއްވުމަށެވެ.
26 July 2026
އީރާނަށް ދިން ހަމަލާތަކުގައި ކުވެއިތުގެ ބައިވެރިވުމެއް ނެތް ކަމަށް ބުނެފި
އެމެރިކާގައި ހުންނަވާ ކުވެއިތުގެ ސަފީރު ޝެއިޚާ އަލް-ޒައިން އަލް-ސަބާހް ވަނީ އެ ނޫހުގެ އެޑިޓޯރިއަލް ބޯޑަށް ސިޓީފުޅެއް ފޮނުއްވައި އެ ރިޕޯޓަކީ "އެއްވެސް އަސާސެއް ނެތް" ވާހަކައެއް ކަމަށް ވިދާޅުވެފައެވެ. ކުވެއިތުގެ ރަސްމީ ނޫސް އެޖެންސީ ބުނި ގޮތުގައި އީރާނާ ދެކޮޅު އެއްވެސް އަސްކަރީ ހަރަކާތެއްގައި ކުވެއިތުން ބައިވެރިނުވާ ކަމަށާއި ހަމަލާދޭ އޮޕަރޭޝަންތައް ހިންގުމަށް ކުވެއިތުގެ ބިމާއި ވައިގެ ސަރަހައްދާއި ކަނޑުގެ ސަރަހައްދު ބޭނުންކުރުމުގެ ހުއްދަ ދީފައި ނުވާ ކަމަށް ސަފީރު ކަށަވަރުކޮށްދެއްވި ކަމަށެވެ.
26 July 2026
އީރާނަށް ހަމަލާދިނުން މެދުކަނޑާލަން ޓްރަމްޕް އެމެރިކާ ސިފައިންނަށް އަންގައިފި
ނިއު ޔޯކް ޓައިމްސް އާއި އެކްސިއޮސް ނޫހުން ބުނާ ގޮތުގައި ހަނގުރާމަ އިތުރަށް ވަރުގަދަ ކުރުމުން ޕެންޓަގަންގައި މިހާރުވެސް މަދުވެފައިވާ ޕެޓްރިއޮޓް މިސައިލް ދިފާޢީ ނިޒާމުގެ ހަތިޔާރާއި މެދުއިރުމަތީގެ ވައިގެ ދިފާޢީ ވަސީލަތްތައް ނުރައްކާ ވާ މިންވަރަކަށް ހުސްވެދާނެ ކަމުގެ ކަންބޮޑުވުމާ ގުޅިގެން ޓްރަމްޕް މި ނިންމެވުން ނިންމެވީއެވެ.
26 July 2026